8 Kinahanglan he segradu is ked-isipa keniyu te zuma niw he menge Israilihanen su iyan kew ebpemuhat te menge pemuhat kayi te kediey, te Nengazen, he waǥas, ne edhimuwen ku is menge etew ku he wazà igkesewayi.
Ne zutun mid-ampù a, ke siak te, “He Megbevayè ku, kenè nu vey-ani zà sikandan tenged te kebpekehegkapa zan te kegkememumuhat dan wey menge penangdù dan dutun te kegkememumuhat dan wey kegke-Libihanen dan.”
migkaǥi pa is Nengazen diyà te kandin te, “Hendiyè ka te kandan ne keǥiyi nu sikandan he mebpekelumpiyu sikandan guntaan wey keeselem. Kinahanglan he pemìpii zan is menge visti zan.
Ne zutun midtupang si Moises puun dutun te vuntud ne midsuǥù din is menge etew he mebpekelumpiyu. Ne mibpemìpian dutun te menge etew is menge visti zan.
“Bistiyi nu kayi is suled nu he si Aaron wey sikan is menge anak din he maama. Ne ebpetiǥisan sikandan te lana tuus te kegkehimuwa kandan he memumuhat. Ne ipehinungud nu sikandan kediey su wey sikandan mekepenilbi kedì pinaaǥi te kebpemuhat.
“Iyan heini ul-ulaha nu te kebpehinunguza nu ki Aaron wey te menge anak din he menge maama su wey zan mekepenilbi kedì pinaaǥi te kegkememumuhat dan. Kuwa ka te sevaha he turiti he vaka wey zezuwa he meemahan he kerehidu he wazè dan sazir.
Kinahanglan he idhalad niw is keugelingen niw para kediey te Megbevayè niw, wey kenè niw pendezeisaya is ngazan ku. Beeli niw heini su iyan kew man ebpemuhat te menge pemuhat pinaaǥi te hapuy, he iyan keenen ku.
Mibpesipelahan a keniyu pinaaǥi te kebpemuhat niw te meremerik he menge ibpemuhat diyà te pemuhatè ku. Piru ed-insè kew pa te, ‘Mibmenumenu zey te edremerik is menge pemuhat dey?’ Midremerikan niw is impemuhat niw pinaaǥi te egkeǥiyen niw he wazà pulus dutun te pemuhatè ku.
“Keǥiyi nu is menge Israilihanen he kinahanglan he mebpemuhat sikandan kayi te kedì te menge pemuhat pinaaǥi te hapuy diyà te midtelaan he timpu. Heini he menge pemuhat iyan keenen ku. Ne is kehemut kayi ne ebpekepenunuat kedì. Umbe keǥiya nu heini ziyà te menge Israilihanen, ke sikew te,
