Leviticus 21:12 - Manobo Western Bukidnon OT

¹² Ne ǥeina te inhalad sikandin kayi te kedì he lavew he memumuhat pinaaǥi te kedlenahi kandin, kenà sikandin ereg he ed-awà diyà te Tulda he Edtelevukaayan te kedtampu te kedleveng, su emun ebeelan din heini ne egkeremerikan sikan is tulda. Iyan a kes Nengazen.

Leviticus 21:12 교차 참조

Exodus 28:36

“Baal kew te midalya he lunsey he vulawan he ed-iringen te pelatu ne iukir niw zutun is menge lalag he: ‘Pehinungud te Nengazen.’

Isaias 61:1

Is Mulin-ulin te Nengazen he MEGBEVAYÀ ne kayi te kediey. Su mibpilì e zin he ibpewali te meupiya he tudtulanen diyà te menge pubri. Midsuǥù e zin te kedlipey te egkengeseeng wey kebpenudtul ziyà te menge vihag wey menge pirisu he ebpekeǥawas dan en.

Leviticus 10:7

Kenè kew zèpa awà kayi te ǥemawan te Tulda. Emun ebeelan niw heini ne ebpatey kew, su mibpilì kew te Nengazen he mehimu kew he menge memumuhat pinaaǥi te kedlenahi keniyu te lana.” Ne midtuman dan haazà is migkaǥi ni Moises.

Leviticus 21:13

Is ed-esewaan te lavew he memumuhat kinahanglan he wazè pa mekeremaǥi wey iring din he Israilihanen. Kenà sikandin mebpengesawa te valu etawa vahi he midsuwayan te esawa zin, etawa vahi he meremerik su ebelegyà te zengeg din.

Leviticus 8:30

Ne migkuwa si Moises te lana he para te idlana wey lengesa he zuen te pemuhatà ne mibpirikan din si Aaron wey kes menge anak ni Aaron wey is menge visti zan. Pinaaǥi kayi impehinungud din sikandan wey is menge visti zan diyà te Nengazen.

Numero 6:6

Dutun te wazè din pa mepasad is penaad din te kebpenilbi te Nengazen, kinahanglan he kenà sikandin med-uvey te minatey,