Leviticus 20:7 - Manobo Western Bukidnon OT

⁷ Ihalad niw is keugelingen niw para kediey wey pengungubpaan kew he segradu, su iyan a kes Nengazen he Megbevayè niw.

Leviticus 20:7 교차 참조

Leviticus 11:45

Iyan a Nengazen he mibpeǥawas keniyu puun te Ehipto su wey a mehimu he Megbevayè niw. Umbe mebpekesegradu kew su waǥas a.

Leviticus 19:2

he keǥiya zin heini ziyà te tivuuk he keet-etawan te Israel: Pengungubpaan kew he segradu su waǥas a is Nengazen he Megbevayè niw.

Leviticus 21:15

Pinaaǥi te kedtumana kayi te memumuhat kenà ed-isipen he meremerik is menge anak din. Iyan a is Nengazen midsivey kandin para mehimu he lavew he memumuhat.

Leviticus 21:8

Kinahanglan he segradu is ked-isipa keniyu te zuma niw he menge Israilihanen su iyan kew ebpemuhat te menge pemuhat kayi te kediey, te Nengazen, he waǥas, ne edhimuwen ku is menge etew ku he wazà igkesewayi.

Josue 24:19

Ne migkaǥi si Josue ziyà te menge etew te, “Kenè kew ebpekehimu he ebpenilbi te Nengazen su waǥas sikandin he Megbevayà wey tengelikuzen, su kenè din egkesuatan ke zuen selakew en he ed-ezapen niw. Kenè din ibpelavey is kebpekidsukulè niw wey menge salè niw.

Josue 3:5

Ne migkeǥiyan ni Josue is menge etew te, “Mebpekelumpiyu kew, su keeselem ebaal is Nengazen te egkengein-inuwan diyan te keniyu.”