Leviticus 2:5 - Manobo Western Bukidnon OT

⁵ Emun is ibpemuhat he supas ne ziyà hilutua te mevavew he hilutuey, kinahanglan he iyan egemiten is kineupiyahan he kelasi te herina he edsehuǥan te lana, piru kenà edtepayan.

Leviticus 2:5 교차 참조

Leviticus 2:6

Ebpenevien heini ne ed-itisan te lana. Pemuhat heini he para gasa.

Leviticus 6:21

Heini he herina edsehuǥan te lana ne edhilutuen diyà te mevavew he hilutuey. Emun egkelutù en, ebpenevien ne ibpemuhat diyà te Nengazen he iyan pemuhat he para gasa. Is kehemut kayi he pemuhat ebpekepenunuat kandin.

Leviticus 7:12

Emun ebpemuhat is etew te pemuhat para te meupiya he kedepità su ebpeselematan din is Nengazen, ne perisi zin heini te supas. Med-uwit sikandin te supas he wazè din tapey iring te supas he mekepal he midsehuǥan te lana, supas he menipis he midezasan te lana, wey supas he iyan mibeelan is meupiya he kelasi te herina he midsehuǥan te lana.

Leviticus 7:9

Iring daan te langun he menge pemuhat he para gasa, he midhilutù diyà te evuwan etawa karà etawa mevavew he hilutuey, ne ǥaked en daan heini te memumuhat he nemuhat duen.