Leviticus 19:5 - Manobo Western Bukidnon OT

⁵ Emun ebpemuhat kew te pemuhat para mehimu he meupiya is kebpekidepitè niw kedì, ipemuhat niw heini te paaǥi he egkezawat ku heini para keniyu.

Leviticus 19:5 교차 참조

2 Cronica 31:2

Migrupugrupu ni Hadì Hezekia is menge memumuhat wey menge Levihanen he para ebaal te nengetendek he menge vuluhaten dan. Apil kayi is kebpemuhat te menge pemuhat he edtutungen wey is menge pemuhat he para te meupiya he kedepità, is kebpenilbi ziyà te valey te Nengazen, is kebpeselamat wey is kegkanta te menge kedalig diyà te menge ǥemawan te valey te Nengazen.

Exodus 24:5

Ne midsuǥù din te kebpemuhat is duma zan he vetan-en he menge maama, ne nemuhat sikandan te pemuhat he edtutungen, wey nemuhat daan sikandan te menge tudu he vaka he pemuhat he para te meupiya he kedepità.

Ezekiel 46:12

Emun ebpemuhat is pengulu te pemuhat he edtutungen etawa pemuhat he para te meupiya he kedepità he keugelingen he suat is kebpemuhata zuen, ebpuwasan para kandin is beyeey he ebpekesinaru ziyà te edsilaan, ne ebpemuhat sikandin te menge pemuhat he iring te kebpemuhat din emun Andew te Kedhimeley. Ne emun ebpekeǥawas en sikandin edlekevan en haazà is pultahan.

Ezekiel 46:2

Is pengulu ziyà ebayà te veyeey he ebpekesinaru ziyà te edsilaan, ne edhitindeg sikandin diyà te avey zuen te pultahan dutun te ebpemuhat is menge memumuhat te pemuhat he edtutungen wey te pemuhat din he para te meupiya he kedepità. Dutun te pultahan ed-azap is pengulu ne kegkepasad kayi egawas sikandin, piru haazà is pultahan kenà edlekevan te taman te mezukilem.

Leviticus 1:3

Emun baka is ibpemuhat din he iyan pemuhat he edtutungen, kinahanglan he meemahan heini he wazè din sazir, ne ipemuhat din heini ziyà te ǥemawan te Tulda he Edtelevukaayan, su para zewata sikandin te Nengazen.

Leviticus 19:4

Kenè kew med-azap te zuma he menge ed-ezapen wey kenè kew mebaal te ledawan te zuma he ed-ezapen. Iyan a kes Nengazen he Megbevayè niw.

Leviticus 19:6

Keena niw is usa kayi zutun te andew te kebpemuhat niw etawa sunud he andew. Piru emun duen egkesamà he usa taman te iketelu he andew kinahanglan he edtutungen heini.

Leviticus 22:19

kinahanglan he meemahan he vaka, kerehidu, etawa kambing ne kinahanglan he wazè dan sazir su wey ku zewata heini.

Leviticus 22:21

Emun is pemuhat he para te meupiya he kedepità ibpemuhat niw kediey he kedtuman te penaad etawa pemuhat he keugelingen he suat, kinahanglan he vaka heini etawa kerehidu etawa kambing he wazè sazir su edewaten ku heini.

Leviticus 22:23

Egkehimu he ibpemuhat niw he pemuhat he keugelingen he suat is baka etawa kerehidu he kenà hustu is kegkeveeli te sevaha he vahin te lawa zin, piru kenà heini egkehimu he ibpemuhat he pemuhat he kedtuman te penaad.

Leviticus 22:29

Emun ebpemuhaten a keniyu te pemuhat he para kebpeselamat kedì, sunuza niw is hustu he paaǥi te kebpemuhata kayi su para zewata ku heini.

Leviticus 7:16

Emun is pemuhat din para te meupiya he kedepità he ibpemuhat din he para te kedtuman te penaad etawa pemuhat he keugelingen din he suat, is usa kayi egkeenen dutun dà he andew te kebpemuhata zuen. Iyan, emun duen pa egkesamà he usa, egkehimu heini he egkeenen dutun te sunud he andew.

Leviticus 7:18

Emun duen egkaan duen te usa zutun te iketelu he andew, ne haazà he pemuhat kenà edewaten te Nengazen ne wazà pulus te kebpemuhata zuen. Ed-isipen heini he utew mezaat ne zuen televaken te minsan hentei he egkaan kayi.