Leviticus 19:4 - Manobo Western Bukidnon OT

⁴ Kenè kew med-azap te zuma he menge ed-ezapen wey kenè kew mebaal te ledawan te zuma he ed-ezapen. Iyan a kes Nengazen he Megbevayè niw.

Leviticus 19:4 교차 참조

1 Hadì 14:9

Edhuna pa he mezaat is kenikew he mibeelan te mibeelan te menge hadì he nehuna kenikew. Mid-iniyuǥan a kenikew wey midhimu nu he mepauk a pinaaǥi te kebaal nu te mital he menge ed-ezapen.

1 Cronica 16:26

su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is Nengazen mibaal te langit.

2 Cronica 28:2

Iyan midsunud din is menge ulaula te menge hadì te Israel, ne mibaal te mital he ledawan ni Baal.

Salmo 96:5

Su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is Nengazen mibaal te langit.

Exodus 20:23

Kenè kew mebaal te ledawan he ed-ezapen niw zaan iring te ked-ezapa niw kedì, kenè kew mebaal te ledawan he pelata wey ledawan he vulawan he ed-ezapen niw.

Exodus 32:4

Ne migkuwa haazà ni Aaron ne midtunew zin diyà te hulmahan he mid-iring te vaka umbe neveelan haazà he ledawan he vaka. Ne migkaǥi haazà is menge Israilihanen te, “Iyan heini ed-ezapen tew he nengulu kenitew te kegawas diyà te Ehipto.”

Exodus 34:17

“Kenè kew mebaal te menge ed-ezapen niw.

Leviticus 19:25

Piru te ikelima he tuig ne ebpekekaan kew en te menge veǥas kayi. Ne emun edtumanen niw heini he sulunuzen, utew meveǥas is menge kayu niw. Iyan a kes Nengazen he Megbevayè niw.

Leviticus 19:5

Emun ebpemuhat kew te pemuhat para mehimu he meupiya is kebpekidepitè niw kedì, ipemuhat niw heini te paaǥi he egkezawat ku heini para keniyu.

Leviticus 26:1

Kenè kew mebaal te menge ed-ezapen iring te ledawan, tedeman he vatu, etawa mibpurma he vatu, he ed-ezapen niw, su iyan a is Nengazen Megbevayè niw.

Haggai 2:18

Ike-24 guntaan he andew te ikesiyam he vulan, ne ǥuntaan nepasad sikan is pundasyun duen te valey te Nengazen. Ne peninimè kew en ke hengkey is egkehitavù puun guntaan.

Deuteronomio 27:15

“Rinewakan is etew he ebaal te minsan hengkey he ledawan he ed-ezapen, batu etawa kayu etawa brunsi minsan meeles dà is ked-ezapa zin kayi. Su heini he menge ed-ezapen is bineelan dà te etew, utew egkeepesi te Nengazen.” Ne edtavak is langun te, “Amen!”

Deuteronomio 4:16

he kenè niw egkeremerikan is keugelingen niw pinaaǥi te kebaal te ledawan he ed-ezapen he minsan hengkey is purma zin etawa zagwey zin, dagwey ve te maama etawa vahi,

Deuteronomio 7:25

Iagbur niw ziyà te hapuy is menge ledawan he ed-ezapen dan, ne kenè niw keimahi is menge vulawan wey menge pelata zutun. Kenè niw haazà kuwaa su pekaid haazà keniyu. Pekeziyui niw heini su utew mezaat is ked-isipa kayi te Nengazen he Megbevayè niw.