Leviticus 17:13 - Manobo Western Bukidnon OT

¹³ Is minsan hentei keniyu te menge Israilihanen wey te kenà menge Israilihanen he mid-ubpà duma keniyu he ed-utel te langgam etawa tagbis he egkehimu he egkeenen, kinahanglan he ibpetiǥis din is lengesa kayi ne tembuni zin te tanà,

Leviticus 17:13 교차 참조

Job 16:18

“Iring a te etew he midhimetayan he edhangyù diyà te tanà he kenà bumbuni is lengesa zin su wey pinaaǥi zutun ikeveǥey kandin is kukuman he kenà sikandin egkevintahaan.

Erubasa 6:26

Su is kebpekidhilavet te vahi he ebelegyà te zengeg din, utew ebpekepepubri zutun te edhilavet, piru kedhilavet te esawa te zuma, ne ebeyazan nu te untung.

Ezekiel 24:7

Su is kebpenhimatey zin nekeleduwan te langun. Is lengesa te mibpenhimetayan din mibey-anan din dà diyà te menge vatu he egkaahà te langun. Wazè din ganì heini vunbuni te tanà.

Leviticus 17:12

Iyan heini hinungdan ke maan is kenè kew ereg he egkaan te lengesa.

Leviticus 7:26

Minsan hendei kew ed-ubpà, ne kenè kew megkaan te lengesa te langgam ragkes en is lengesa te tagbis.

Deuteronomio 12:16

Piru kenè niw keena is lengesa; iitis niw heini ziyà te tanà iring te wahig.

Deuteronomio 12:24

Kekenà, iitis niw is lengesa ziyà te tanà iring te wahig.

Deuteronomio 15:23

Iyan, kinahanglan he kenè niw egkeenen is lengesa, iitis niw heini ziyà te tanà iring te wahig.