Leviticus 17:10 - Manobo Western Bukidnon OT

¹⁰ Is minsan hentei he egkaan te lengesa egkeepesan te Nengazen ne kenè niw en sikandin isipa he zuma niw.

Leviticus 17:10 교차 참조

Genesis 9:4

Piru kenè niw keena is langgam he wazè pa maawà dutun is lengesa zin, he iyan igkeuyag din.

2 Samuel 23:17

Migkaǥi sikandin te, “Nengazen, kenè ku heini ed-inumen tenged te iring heini kemahal te lengesa te menge etew he impedserakan dan is untung dan te kegkuwa kayi.” Umbe wazà iyan med-inum si David. Iyan haazà mibeelan dutun te tetelu he mevurut he menge sakup ni David.

Salmo 34:16

Piru egkuntedahan din is menge etew he ebaal te mezaat. Edèdeetan din sikandan taman te kenè en sikandan egketenuzan te menge etew kayi te kelibutan.

Exodus 30:33

Is minsan hentei keniyu he ebaal te iring kayi he lana he ibpenlana zin etawa idlana zin te zuma he etew zà duen su kenà memumuhat, ne kenè niw en sikandin isipa he zuma niw.”

Jeremias 21:10

Nekehukum ad he ibpaaǥi ku kayi te inged is kezeetan ne kenà keupiyaanan. Ibeǥey ku heini ziyà te hadì te Babilonia ne ebinsulan din heini.’

Jeremias 44:11

“Umbe siak, is Nengazen he Mekeǥeǥehem, he Megbevayà te Israel, andam e en he edezaat keniyu wey te tivuuk he tig-Juda.

Ezekiel 14:8

Kenè ku ibeǥey is tuyù din ne edhimuwen ku sikandin he petizaan te menge etew, ne egkehimu sikandin he hilisgutan. Edsegseǥen ku sikandin puun te menge etew ku. Ne zutun egketuenan niw he iyan a Nengazen.

Ezekiel 15:7

Uya, edsilutan ku sikandan, minsan egkepeleǥuyan dan is hapuy, egkeepur ǥihapun sikandan te ikezuwa he hapuy. Ne zutun egketuenan dan he iyan a Nengazen.

Ezekiel 33:25

Ne guntaan keǥiyi nu sikandan, he iyan a, is Nengazen he MEGBEVAYÀ migkaǥi te, ‘Egkeisip niw ve he egkaangken niw ǥihapun haazà is tanà minsan egkaan kew te usa he zuen din pa lengesa, wey ed-azap kew te zuma he menge ed-ezapen niw, wey ebpenhimatey kew te etew?

Ezekiel 44:7

Impeseled niw ziyà te valey ku is kenà menge Israilihanen he wazà medtuu te Megbevayà. Pinaaǥi kayi midremerikan niw is baley ku zutun te kebpemuhat niw te keenen, tavà te uyaǥen, wey lengesa. Gawas te utew mezaat he menge vaal niw midrapas niw pa is paaǥi ku te kebpekidepità keniyu.

Leviticus 17:11

Su is untung te linimbag ne ziyà te lengesa zin, ne insuǥù te Nengazen he gemita niw heini para mevelukasi kew puun te menge salè niw, su is lengesa he iyan mibeǥey te untung, iyan ebpekevelukas te etew puun te menge salà.

Leviticus 19:26

Kenè kew kaan te usa he zuen din pa lengesa. Kenè niw veeli is ebeelan te menge kineegmanen etawa veyilan.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Leviticus 3:17

Kenè kew kaan te tavà etawa lengesa. Kinahanglan he heini he velaud edtumanen niw taman te huziyan he lapis te menge kevuwazan, minsan hendei kew ed-ubpà.

Amos 9:4

Minsan bihaǥa pa sikandan te menge kuntada zan, ebpenhimetayan ku ǥihapun sikandan. Su utew a disididu te kedezaat kandan ne kenà kedtavang kandan.’ ”

Deuteronomio 12:16

Piru kenè niw keena is lengesa; iitis niw heini ziyà te tanà iring te wahig.

Deuteronomio 12:23

Mebpekevantey kew zà he kenè kew mekekaan te lengesa, su is untung ne ziyà te lengesa. Kenè niw ipedregkesà te egkaan is untung wey is usa.

Deuteronomio 15:23

Iyan, kinahanglan he kenè niw egkeenen is lengesa, iitis niw heini ziyà te tanà iring te wahig.

1 Samuel 14:32

Umbe, egkengezegdeǥusu zan is ebpemenguwa te nengaaǥew zan he menge kerehidu wey menge vaka, ne midlapè dan haazà, migkaan dan is usa he zuen pa zutun lengesa.

1 Samuel 14:33

Duen sevaha zutun he midsumbung ki Saul, “Ahaa nu man mibaal is menge etew te salà diyà te Nengazen pinaaǥi te kegkaan te usa he zuen pa lengesa.” Migkaǥi si Saul te, “Menge limbungan! Ililid niw kayi te uvey ku heeyan is dekelà he vatu.