Leviticus 16:12 - Manobo Western Bukidnon OT

¹² Ne egkuwa sikandin te selevukà te veyewà ne ebpenuen din heini te vaǥa he ebpuun diyà te pemuhatà he ziyà te seled te tulda. Ne egkuwa zaan sikandin te zezuwa he kemkem he mehemut he pinu he veyewà, ne ed-uwiten din heini ziyà te Utew Segradu he Lugar.

Leviticus 16:12 교차 참조

Exodus 31:11

sikan is lana he idlana wey sikan is mehemut he veyewà he para zuen te Segradu he Lugar. Kinahanglan he ebpekepurung ebpekesungkad te insuǥù ku is kebeeli kayi te langun.”

Exodus 37:29

Mibaal zaan sikandin te segradu he lana he para te idlana wey lunsey he veyewà he utew mehemut.

Leviticus 10:1

Ne si Nadab wey si Abihu, he menge anak ni Aaron, migkuwa is kada sevaha kandan te teleǥuey te veyewà. Ne midsevukan dan heini te vaǥa wey veyewà ne impemuhat dan diyà te Nengazen. Piru heini is mibeelan dan ne kenè iyan insuǥù te Nengazen, su is hapuy he migamit dan kenà dait he egemiten.

Numero 16:18

Umbe, migkuwa is kada sevaha kandan te keugelingen din he teleǥuey ne midteǥuan din haazà te veyewà wey vaǥa, ne midhitindeg sikandan duma ki Moises wey ki Aaron diyà te gemawan te Tulda he Edtelevukaayan.

Numero 16:46

Ne migkeǥiyan ni Moises si Aaron te, “Kuwaa nu is teleǥuey nu te veyewà ne teǥui nu te veyewà wey vaǥa he ebpuun diyà te pemuhatà. Ne gaanggaan ka hendiyà te menge etew ne veeli nu is tulumanen su wey zan mevelukasi te menge salè dan, su nepauk en is Nengazen ne ebpuun en is limas.”

Deuteronomio 33:10

Ebpenuruen dan is menge Israilihanen te mehitenged te imbeǥey nu he menge sulunuzen wey menge suǥù nu, ne ebpemuhat sikandan te menge veyewà wey menge pemuhat he edtutungen diyà te pemuhatà he para kenikew.