Leviticus 15:16 - Manobo Western Bukidnon OT

¹⁶ Emun is maama egewasan te similya zin, kinahanglan he mebpemeziǥù sikandin, piru ed-isipen pa ǥihapun sikandin he meremerik taman te egkesakep.

Leviticus 15:16 교차 참조

Leviticus 15:17

Is minsan hengkey he manggad etawa lundis he mibeelan he azen he egketiǥisan te similya zutun, kinahanglan he ebpìpian, piru ed-isipen pa ǥihapun heini he meremerik te taman te egkesakep.

Leviticus 15:18

Emun ebpehilevetà is maama wey vahi ne egewasan is maama te similya, kinahanglan he mebpemeziǥù sikandan is dezuwa, piru ed-isipen pa ǥihapun sikandan he meremerik taman te mahapun.

Leviticus 15:5

Ne is minsan hentei he ebpekesamsam kandin etawa ebpekesamsam te midhizeǥaan din etawa mibpinuuwan din, kinahanglan he ebpìpian din is bisti zin wey mebpemeziǥù, piru ed-isipen pa ǥihapun sikandin he meremerik taman te egkesakep.

Leviticus 22:4

Wazà minsan hentei keniyu he egkehimu he egkaan te pemuhat, emun duen din daru te lundis, etawa zuen egawas diyà te sudiyè din tenged te zaru zin, etawa nekesamsam te azen he nehimu he meremerik su nekeseǥahid te minatey, etawa migewasan te similya, etawa nekesamsam te langgam, etawa etew he ed-isipen he meremerik. Wey zà sikandin egkehimu he egkaan te menge pemuhat emun ebpekepemeziǥù sikandin, piru medtaǥad pa sikandin taman te mahapun, dutun te edsanlep en is andew, ne egkehimu en human he egkaan sikandin te menge pemuhat he iyan keuyaǥan din su memumuhat man sikandin.

Deuteronomio 23:12

“Pilì kew te lugar he edhimuwen niw he indesà diyà te gawas te kampu.