53 Ne ibpaawè din sikan is uuyag he tagbis diyà te ǥawas te inged. Pinaaǥi kayi te ebeelan te memumuhat, egkaawà is kegkeremeriki te valey ne egkehimu en heini he lumpiyu.
Umbe, pinaaǥi zuen te lengesa te tagbis, te wahig he ebpuun diyà te serebseb, te uuyag he tagbis, te kayu he sidru, te hisupu, wey merudtem he hulibis, egkelumpiyuwan duen te memumuhat haazà is baley.
Iyan heeyan menge sulunuzen mehitenged te menge zaru te lundis he edeǥes, etawa edlevag, etawa ebmemeriǥà, etawa ebmeputìputì, ne mehitenged te hab-ung te visti wey valey. Ne pinaaǥi kayi he sulunuzen egketuenan niw ke hengkey is lumpiyu wey ke hengkey is meremerik.
Ne haazà is wahig he zuen duen lengesa ne ibpirik din te kepipitu ziyà te etew he neulian te zaru zin te lundis, ne kegkepasad ibpeseyuzan din he lumpiyu en haazà is etew. Ne ibpaawà dutun te memumuhat sikan is uuyag he tagbis.
