Leviticus 11:13 - Manobo Western Bukidnon OT

^13-19 Kenè niw keena is menge tagbis iring te kulaǥu, uwak, menge tagbis he edaas te lawa te etew etawa langgam, dapay, ekang, kalamun, menge tagbis he ebpendawi te isdà, tulabung, dugwak, wey kaveg. Isipa niw he meremerik heini he menge tagbis.

Leviticus 11:13 교차 참조

Job 28:7

Is menge veyeey pehendiyà te minahan, wazà maahà te menge uwak etawa menge banug,

Job 38:41

Hentei is edsavud te menge uwak emun egkevitil zan wey ebpesavud kedì is menge pispis dan?

Jeremias 4:13

Tengteng kew! Ebpekeume en is kuntada tew he iring te ǥapun. Is menge kerwahi zin, henduen be te eribpures, ne is menge kudè din, edhuna pa he elistu te menge mendereǥit. Mekehizuhizu kiw! Su egkezeetan kiw en.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 48:40

Mibpedayun pa megkaǥi is Nengazen te, “Ehàa niw man! Is kuntada te menge tig-Moab neiring te kulaǥu he midlayang he edawi kandan.

Penhulùhulù 4:19

Meǥaan pa te menderaǥit is menge kuntada zey he edal-as kenami. Edel-asen key zan taman te menge vuvungan. Ne minsan diyè key te sibsivayan ne zutun daan sikandan is edtaǥad he ed-etaki kenami.

Hoseas 8:1

“Ipezaǥing niw is budyung su wey mekepengandam is menge etew ku su is Israel he mid-isip ku he ubpeey ku, edsurungen te menge kuntada he iring keǥaan te menderaǥit. Su wazè dan itetepi-an is paaǥi ku te kebpekid-uyun kandan wey midrapas dan is kesuǥuan ku.

Habakuk 1:8

Is menge kudè dan, meǥaan pa te langgam he liyupardu wey mesipala pa te dumezaas he asu he ebpen-ahà te egkekaan din emun mezukilem. Ebpelelaǥuy heini puun te meziyù he menge lugar, he henduen be te edlayang he kulaǥu he andam he edagmang te edewiyen din.

Zacarias 5:9

Ne neehè ku is dezuwa he vahi he edlayang he utew meǥaan. Meluag is menge pakpak dan iring te pakpak te dugwak ne mibitbit dan diyà te zivavew sikan is revan.