Leviticus 1:15 - Manobo Western Bukidnon OT

¹⁵ Ed-uwiten heini te memumuhat diyà te pemuhatà. Egurivizen din is lieg kayi taman te egketamped, ne ibpetiǥis din is lengesa duen te kilid te pemuhatà. Ne edtutungen din is ulu kayi ziyà te pemuhatà.

Leviticus 1:15 교차 참조

Salmo 22:1

Megbevayè ku, Megbevayè ku, maan is mibey-anan a kenikew? Maan is meziyù ka kayi te kedì? Nezumahan en te zag-es is ked-antus ku, piru wazè e pa ǥihapun kenikew tevangi.

Salmo 22:21

Libriya a su egkeizen a te iring te menge erimaung. Tevaka nu is ampù ku ne libriya a su egkeizen a te iring te menge tudu he vaka.

Salmo 73:10

Umbe, minsan is menge etew te Megbevayà edsunud kandan wey ebpengumbenar te egkeǥiyen dan.

Isaias 53:10

Piru egkasuatan te Nengazen he edresayen wey ibpaantus sikandin. Piru minsan midhimu te Nengazen is untung din he pemuhat para meveyazi is salà te menge etew, egkeehè din ded is menge kevuwazan din wey ebpekaangken ded sikandin te meluǥayad he untung, ne pinaaǥi kandin egketuman is egkesuatan te Nengazen.

Zatù 6:38

Ne iyan haazà nehitavù. Su zutun te sunud he andew, midsayu med-enew si Gideon ne migkuwa zin sikan is bulvul te kerehidu ne migkeres din haazà, ne senge yehung is wahig he midtiǥis.