Leviticus 1:11 - Manobo Western Bukidnon OT

¹¹ Lepaa zin heini ziyà te etuvangan te Nengazen diyà te egkezizaya te pemuhatà. Ne is lengesa kayi ibpirik te menge memumuhat he menge kevuwazan ni Aaron diyà te peliǥuy zuen te pemuhatà.

Leviticus 1:11 교차 참조

Exodus 24:6

Ne midliwazà ni Moises is lengesa, is liwazà in-ahuk din diyà te menge yahung ne is sevaha he liwazà impirik din duen te pemuhatà.

Exodus 40:22

Ne impelastar zin is lemisahan diyà te seled dutun te Tulda, ziyà te egkezizaya he kilid, he ziyà te ǥawas duen te kurtina.

Ezekiel 43:18

Migkaǥi pa haazà is laǥeng kayi te kedì te, “Sikew is etew, iyan heini migkaǥi te Nengazen he MEGBEVAYÀ: Emun egkepasad en haazà is pemuhatà, ne ibpehinungud haazà pinaaǥi te kebpemuhat te menge pemuhat he edtutungen wey kebpirik te lengesa te menge uyaǥen he ibpemuhat. Iyan heini menge sulunuzen he para zutun he andew.

Ezekiel 8:5

Ne migkaǥi is Megbevayà kayi te kedì te, “Sikew is etew, tengteng ka ziyà te zapit te zizaya.” Umbe midtengteng a, ne neehè ku ziyà te avey te idselang pehendiyà te pemuhatà is ledawan te ed-ezapen he utew ingkepauk te Megbevayà.

Leviticus 1:5

Ne lepaa zin haazà he uyaǥen diyà te etuvangan te Nengazen. Ne is lengesa kayi ibpirik te menge memumuhat he menge kevuwazan ni Aaron peliǥuy zuen te pemuhatà he ziyà te ǥemawan te Tulda he Edtelevukaayan.

Leviticus 14:13

Edlepaan din haazà is kerehidu ziyà te segradu he lugar, ziyà te lepeey te pemuhat he para idlumpiyu wey te pemuhat he edtutungen. Heini is pemuhat he kerehidu, utew segradu, ne para zà heini te menge memumuhat, he iring te pemuhat he idlumpiyu.

Leviticus 4:29

Izampè din is belad din dutun te ulu zuen te pemuhat he para idlumpiyu, ne lepaa zin heini ziyà te Tulda, zuen te lugar he lepeey te menge uyaǥen he iyan pemuhat he edtutungen.

Leviticus 6:25

he egkeǥiyan si Aaron wey sikan is menge anak din he maama kayi he menge sulunuzen: Is pemuhat he para idlumpiyu, kinahanglan he edlepaan diyà te etuvangan te Nengazen diyà te lugar he lepeey te pemuhat he edtutungen. Is pemuhat he para idlumpiyu, utew heini segradu he pemuhat.

Leviticus 7:2

Is pemuhat he vayad te salà edlepaan diyà te lepeey te pemuhat he edtutungen. Ne is lengesa kayi ibpirik diyà te peliǥuy te pemuhatà.

Leviticus 8:19

Midlapà ni Moises haazà is kerehidu, ne impirik din is lengesa kayi ziyà te peliǥuy te pemuhatà.