Josue 8:35 - Manobo Western Bukidnon OT

³⁵ Midtigseselimbaha vesaha ni Josue is menge suǥù ni Moises diyà te etuvangan te tivuuk he keet-etawan te Israel ragkes en is menge vahi, menge vatà, wey kenà menge Israilihanen he zuma zan he meǥinged.

Josue 8:35 교차 참조

Ezra 10:1

Dutun te edluhud si Ezra ziyà te egkesineruwan duen te valey te Megbevayà, wey edsineǥew he ed-ampù wey edtug-an te menge salà te menge Israilihanen, mahabet he menge Israilihanen he menge maama, menge vahi, wey menge vatà is midtiǥum diyà te peliǥuy zin. Heini sikandan kenà daan alang-alang is kedsineǥew zan.

Nehemias 8:2

Haazà he andew, iyan nehuna he andew te ikepitu he vulan, mid-uwit ni Ezra is Kesuǥuan diyà te etuvangan te menge etew–menge maama, menge vahi, wey menge vatà he zuen dan en hanew. Ne ziyà te pelasa he egkesineruwan te Pultahan Pehendiyà te Wahig, mibpekezaǥing sikandin is ebasa kayi puun te kedsilà te andew taman te meudtu. Ne mibpurungan pemineǥa haazà is Libru te Kesuǥuan te langun he menge etew zutun.

Exodus 12:38

Ne liyu kandan duen pa mahabet he menge etew he nemenduma kandan he kenà Israilihanen ne elin pa midtundan dan is menge uyaǥen dan he utew mahabet.

Joel 2:16

Himuwa niw is tulumanen te kedlumpiyu ne tiǥum kew is langun, batà etawa meǥurang. Minsan is menge peririǥè pa ne uwita niw, ne medtampu zaan is beǥu he neked-esawa.

Zacarias 8:23

Dutun he timpu, sepulù he etew he ebpuun diyà te nekedseselekawà he menge nasyun wey kineǥiyan is edhendiyà te sevaha he Judio he egkaǥi te, ‘Ipezuma key kenikew, su nezineg dey he nekiduma keniyu is Megbevayà.’ ”

Deuteronomio 29:10

Guntaan he andew midhitindeg kew is langun diyà te etuvangan te Nengazen he Megbevayè niw: is menge pengulu te menge tribu niw, is ebpemendumala, is menge upisyal, is langun he menge maama te Israel,

Deuteronomio 29:11

is menge esawa niw wey menge anak niw, wey is kenà menge Israilihanen he mid-ubpà duma keniyu he perepengayu niw wey peresekezu.

Deuteronomio 29:9

“Umbe purungi niw te edtuman is ibpetuman keniyu kayi te kebpekid-uyun keniyu, su para mebmeuswaǥen kew ziyà te langun he ebeelan niw.

Deuteronomio 31:12

Tiǥuma niw is menge etew: menge maama, menge vahi, menge vatà, wey is kenà menge Israilihanen he zuma niw he meǥinged su para mekepemineg sikandan su wey zan mekeistudyu te kedtahud te Nengazen he Megbevayè niw ne wey zan mapurungi te edtuman is langun he ibpetuman kayi he menge suǥù.

Deuteronomio 4:2

Kenè niw umani wey kenè niw terini is menge suǥù he ibeǥey ku keniyu he ebpuun diyà te Nengazen he Megbevayè niw. Tumana niw iyan heini.