Josue 7:20 - Manobo Western Bukidnon OT

²⁰ Ne midtavak si Acan te, “Tutuu he nekesalà a ziyà te Nengazen he Megbevayà te Israel. Iyan heini mibeelan ku:

Josue 7:20 교차 참조

Genesis 42:21

Ne pesikaǥi zan dutun te, “Umbe egkeulaula en heini kenitew su silut tenged te mid-ulaula tew ziyà te hazi tew he si Jose. Su minsan pa te utew sikandin nerasey wey midhengyuan kiw zin, midtengtengan tew zà ne wazè kiw mebpehangyù. Umbe edlised kiw en guntaan.”

Job 33:27

Ne egkeǥiyan din is menge etew te, ‘Nekesalà a; mibaal a te kenà hustu, piru wazè ku mezawat is silut te Megbevayà he ereg kediey.

Job 7:20

Nekesalè e ve? Hengkey man he salà is neveelan ku ziyà te kenikew te perevantey te etew? Maan is edsuǥaten a kenikew? Iring e ve te meveǥat he bevaan nu?

Salmo 38:18

Idtug-an ku is menge salè ku he nekesamuk kediey.

Exodus 10:16

Ne tenged dutun migègaanan pesuǥui te hadì si Moises wey si Aaron, ne ke sikandin diyà te kandan te, “Nekesalà a ziyà te Nengazen he iyan Megbevayè niw wey ziyà daan te keniyu.

Exodus 9:27

Ne mibpesuǥuan te hadì si Moises wey si Aaron. Ne ke sikandin diyà te kandan te, “Guntaan netuenan ku en he nekesalà a; netuenan ku he ebpekevenar is Nengazen ne iyan a nesayep wey is menge etew ku.

Numero 22:34

Migkeǥiyan ni Balaam haazà is belinsuǥuen te Nengazen te, “Nekesalà a! Wazè ku metueni he midhitindeg ke ves keniyan te ked-alang kedì. Emun mezaat diyà te kenikew is ebeelan ku, ne ed-ulì ad.”

Josue 7:19

Ne migkaǥi si Josue ziyà te ki Acan te, “Mama, beǥayi nu te zengeg is Nengazen he Megbevayà te Israel; keǥiya nu is tutuu ziyà te etuvangan din. Keǥiya nu kayi te kediey ke hengkey is mibeelan nu? Kenè nu heini ieles kediey.”

Josue 7:21

Duen te menge azen he netavan tew, duen ku neehè he mekempet he visti he ebpuun diyà te Babilonia, pelata he menge dezuwa he kilu wey tengà, wey senge verita he vulawan he menge tengà te kilu. Utew ku neimahi heini he menge azen, umbe migkuwa ku. Ne inleveng ku heini ziyà te tanà he seled te tulda ku, ne ziyà te kinezizeleman sikan is pelata.”

1 Samuel 15:24

Ne migkaǥi si Saul ziyà te ki Samuel te, “Nekesalà a; midsupak ku is suǥù te Nengazen wey is menge migkaǥi nu kayi te kedì. Nahandek a te menge etew, umbe mibpezumdumahan ku sikandan.

1 Samuel 15:30

Midtavak si Saul te, “Nekesalà a. Piru edhangyù a he kenè nu zèdeeti is dengeg ku kayi te menge ebpemendumala te keet-etawan ku wey etuvangan te tivuuk he Israel pinaaǥi te kedumahi nu kedì te ked-azap te Nengazen he Megbevayè nu.”