13 Ne hein diyà si Josue te uvey te Jerico, duen etew he neehè din he edhithitindeg diyà te etuvangan din he egkulang te ispada. Ne mid-insaan sikandin ni Josue te, “Sundaru zey ve sikew etawa kuntada zey sikew?”
Ne mid-uman mebpaahà is Nengazen ki Abraham diyà te uvey te menge kayu he ulayan ni Mamre. Hein ebmeudtu zutun is andew, ebpimpinuu si Abraham diyà te ǥemawan te tulda zin.
Mibpememantew si Abraham ne neehè din is tetelu he maama ziyà te uvey. Ne zutun te kegkaahaa zin, migaanggaan medsinuǥung ne midlangkeb diyà te tanà su edtahud.
Ne hein kebpantew ni Jacob, neehè din si Esau is ebpelingguma he edumahan te 400 he menge maama. Ne zutun, impedtetepizè din is menge anak din diyà te menge esawa zin he si Lea wey si Raquel, wey ziyà te menge suluǥuen dan he vahi.
Ne hein neehè din is menge vahi wey menge vatà, ne mid-insaan din si Jacob te, “Hentei heini is menge zuma nu?” Ne midtavak si Jacob te, “Iyan heini menge anak ku he imbeǥey kediey te Megbevayà su ingkehizu e zin.”
Edhuna ziyà te ibayè niw is belinsuǥuen ku ne edumahan kew zin diyà te tanà te menge Amorihanen, menge Hitihanen, menge Pirisihanen, menge Canaanhen, menge Hivihanen wey menge Jebusihanen, ne iyan a ebpuew kandan.
Ne zutun duen neehè ku he meemahan he kerehidu he edhithitindeg diyà te veyvey zutun te wahig. Duen din dezuwa he sungey he memelayat. Piru hein netegteǥaad nekedtimpa haazà su mid-iseg mebmelayat is sevaha.
Ne hein naahà duen te asnu he midhitindeg is belinsuǥuen te Nengazen diyà te zalan he egkulang te ispada, midsuwey heini zuen te zalan ne ziyà mebayà te vevesukà. Umbe mibpenlagkut heini ni Balaam su wey medlikù duen te zalan.
Migenat si Manoa he edtinundug te esawa zin. Ne hein neehè din sikan is etew, mid-insaan din te, “Iyan ke ve sikan is mibpekidlalag te esawa ku?” Ne midtavak sikandin te, “Uya.”
