Josue 3:4 - Manobo Western Bukidnon OT

⁴ su wey niw metueni ke hendei kew ebayà, su wazè kew pa keenu mekevayà kayi. Piru kenè kew utew uvey zuen te Kavan te Kebpekid-uyun. Pekeziyui niw heini te keziyù he menge 1,000 he mitrus.”

Josue 3:4 교차 참조

Genesis 31:2

Neǥezam ni Jacob he nahalin en is gehinawa ni Laban kandin kenà te nehuna.

1 Cronica 11:2

Puun pa zengan, minsan te iyan pa si Saul hadì dey, ne iyan ke pa nengulu te menge Israilihanen te kebpekidtebek. Ne migkeǥiyan ka te Nengazen he Megbevayà te, ‘Elimahi nu is menge etew ku he Israilihanen he iring te ked-elima te ebantey te menge kerehidu. Iyan ka egkehimu he pengulu zan.’ ”

Salmo 25:12

Nengazen, is menge etew he edtahud kenikew, egiyahan nu wey zan meikul is dalan he ereg he ed-ikulen.

Salmo 89:7

Edtehuzan ka ziyà te menge ketiǥuman te ilengiten he menge linimbag. Is langun he edliǥuy kenikew ne zuen dan kegkahandek kenikew.

Exodus 19:12

Teltali niw is peliǥuy kayi te vuntud te edtemanan te menge etew. Keǥiyi nu sikandan he kenè dan medtekezeg etawa med-uvey zutun te lugtenaan dutun te vuntud. Is minsan hentei he ed-uvey kayi te vuntud ne edhimetayan,

Exodus 3:5

Migkaǥi is Megbevayà te, “Kenè ke en utew uvey, pul-uta nu is sandalyas nu su segradu heini is tanà he nehitindeǥan nu.”

Exodus 4:10

Ne migkaǥi si Moises diyà te Nengazen te, “He Nengazen, wazè ku pa meseǥazi is mibmetau a he ebpengaǥikaǥi puun pa zengan taman en guntaan te kebpekidlalag nu kedì te suluǥuen nu. Kenà a metau he epengaǥikaǥi wey ngulit a zaan.”

Isaias 30:33

Neuǥet en he naandam is lugar he zutun ebinsuli is hadì te Asiria. Meluag wey mezalem heini he lugar, ne zutun dekelà is hapuy wey kayu he tavun. Is gehinawa te Nengazen he iring te edriyubriyub he esupri ne iyan ebpekeregreg duen te tavun.

Isaias 48:17

“Migkaǥi is Nengazen he Menluluwas niw, he iyan kes Waǥas he Megbevayà te Israel: Iyan a kes Nengazen he Megbevayè niw, nenurù keniyu ke hengkey is meupiya para keniyu wey migiya keniyu pehendiyà te hustu he zalan.

Josue 3:3

ne mibmenduan dan is menge etew te, “Emun egkeehè niw en he ebintingen en te menge memumuhat he menge kevuwazan ni Levi sikan is Kavan te Kebpekid-uyun te Nengazen he Megbevayè niw, ne tundug kew en kandan,

Josue 3:5

Ne migkeǥiyan ni Josue is menge etew te, “Mebpekelumpiyu kew, su keeselem ebaal is Nengazen te egkengein-inuwan diyan te keniyu.”