Josue 23:11 - Manobo Western Bukidnon OT

¹¹ Umbe, sigureduwa niw he mahal niw is Nengazen he Megbevayè niw.

Josue 23:11 교차 참조

Exodus 20:6

Piru ibpeehè ku is keupiya ku ziyà te mahabet he lapis te kevuwazan he ebmahal kedì wey edtuman te menge suǥù ku.

Erubasa 4:23

Purungi nu pekeventayi is diyà te isip nu, su ke hengkey is ed-is-isipen nu, iyan daan egkeveelan nu.

Deuteronomio 30:16

Ebmenduan ku sikiyu ǥuntaan he mahala niw is Nengazen he Megbevayè niw, pengungubpaan kew he sungkad te menge paaǥi zin, wey tumana niw is menge suǥù din wey is menge sulunuzen. Emun ebeelan niw heini ebpekaangken kew te meupiya he ked-ubpà wey ebmahabet kew, ne edtuvazan kew te Nengazen he Megbevayè niw diyà te tanà he edselezan niw wey niw maangken.

Deuteronomio 30:20

Mahala niw is Nengazen he Megbevayè niw. Pezumdumahi niw sikandin wey kenè niw sikandin iniyuǥi, su iyan sikandin untung niw. Emun ed-ul-ulahan niw heini, ebmeluǥayad is untung niw zuen te tanà he impenangdù din he ibeǥey zin diyà te menge kepuun niw he iyan ensi Abraham, Isaac, wey Jacob.”

Deuteronomio 4:15

“Hein nekidlalag keniyu is Nengazen diyà te Buntud he Sinai he ebpuun is laǥeng din diyà te teliwazà te hapuy, ne wazè niw naahà he purma te Nengazen. Umbe mebpekevantey kew,

Deuteronomio 4:9

Piru kinahanglan he mebpekevantey kew! Kenè niw lipati is nengeehè niw he mibpemeelan te Nengazen. Kinahanglan he kenà heini egkaawà diyà te gehinawa niw mintras uuyag kew pa. Tudtula niw heini ziyà te menge anak niw wey ziyà te menge apù niw.

Josue 22:5

Piru kenè niw lipati is kedtuman te menge suǥù wey menge penurù he imbeǥey keniyu ni Moises te suluǥuen te Nengazen: Mahala niw is Nengazen he Megbevayè niw, pengungubpaan kew he ed-ikul te menge paaǥi zin, tumana niw is menge suǥù din, pezumazuma kew kandin, wey silbiyi niw sikandin te ebpuun te tivuuk he ǥehinawa niw wey kedsavut niw.”

Josue 23:10

Is minsan hentei keniyu ebpekesegseg te 1,000 he menge etew, su is Nengazen iyan ebpekidtebek para keniyu, sumalà te insaad din.

Josue 23:12

“Iyan, emun ed-iniyuǥan niw sikandin, wey ebpekidsevaha kew te menge etew kayi te menge nasyun he kemulu pa menge zuma niw, wey ebpekid-esawa kew kandan,