33 Ingkelipey te menge Israilihanen haazà is nezineg dan ne midalig dan is Megbevayà. Ne wazè dan en meventeeni is bahin te kedsurung dan diyà te tanà he ed-ubpaan te menge tribu ni Reuben wey ki Gad.
Ne migkeǥiyan ni David is tivuuk he keet-etawan te, “Deliǥa niw is Nengazen he Megbevayè niw.” Ne zutun midalig dan is Nengazen, he Megbevayà te menge kepuun dan. Midluhud dan wey midungul he tuus te kebeǥayi zan te zengeg te Nengazen wey te hadì.
Dutun he kezukileman impezayag te Megbevayà diyà te ki Daniel sikan is teǥeinep duen te hadì wey is kehuluǥan din pinaaǥi te kebpekelawas. Ne midalig ni Daniel is Megbevayà diyà te langit.
Nelipey si Finehas he memumuhat, wey sikan is menge pengulu te menge pemilya te keet-etawan te Israel hein nezineg dan haazà is migkaǥi te menge tribu ni Reuben, ni Gad, wey te ketengà he tribu ni Manase.
Ne zutun mid-ulì diyà te Canaan si Finehas wey sikan is menge pengulu, ne migkaǥi zan diyà te menge Israilihanen is rimeǥas te kebpekidlalag dan te tribu ni Reuben wey ni Gad diyà te Gilead.
