Josue 22:19 - Manobo Western Bukidnon OT

¹⁹ Umbe, emun egkinahanglan kew te pemuhatà su is tanà niw, kenè dait he zutun kew ed-azap, layun kew ziyà te kenami, diyà te tanà te Nengazen he zutun sikan is Tulda he ed-ezapan kandin, ne ziyè kew en ubpà te kenami. Piru kenè kew vaal te selakew en he pemuhatà gawas duen te pemuhatà he para te Nengazen he Megbevayè tew, su kedsupak heeyan kandin ne supak daan kenami.

Josue 22:19 교차 참조

2 Cronica 11:13

Is menge memumuhat wey menge Levihanen he ziyà med-ubpà te zuma he tribu te Israel, ne ziyè dan edapig te ki Rehoboam.

Exodus 15:17

Ed-uwiten nu is menge etew nu ziyà te tanè nu, wey ibpeubpè nu sikandan diyà te vuntud he migaked nu– kes lugar he mibeelan nu he ed-ubpaan nu, Nengazen, kes baley nu he iyan ka mismu mibaal.

Daniel 10:13

Ne wazà a mekesayu mekeuma zini su mid-alang kedì is mulin-ulin he iyan pengulu te ginhedian he Persia seled te 21 he andew. Meupiya ganì su midtevangan a ni Miguel he sevaha zuen te menge pengulu te menge velinsuǥuen, su sebsevaha ku zà is nekidtebek duen te pengulu te Persia.

Josue 18:1

Ne hein naaǥew en te tivuuk he keet-etawan te Israel haazà is tanà, midtiǥum sikandan is langun diyà te Shilo, ne mibaal sikandan te Tulda he Edtelevukaayan dan.

Josue 22:11

Ne hein netudtulan is duma he menge Israilihanen he mibaal te pemuhatà is tribu ni Reuben, ni Gad, wey is ketengà he tribu ni Manase ziyà te Gelilot, uvey te Wahig he Jordan he dulunà te Canaan, midtiǥum dan diyà te Shilo su ebpengandam dan te kebpekidtebek kandan.