Josue 21:45 - Manobo Western Bukidnon OT

⁴⁵ Midtuman te Nengazen is langun he insaad din diyà te menge etew te Israel.

Josue 21:45 교차 참조

1 Hadì 8:15

Migkaǥi sikandin, “Edeliǥen is Nengazen he Megbevayà te Israel. Midtuman din is insaad din te amey ku he si David. Migkaǥi zin dengan te,

1 Hadì 8:20

“Ne midtuman en te Nengazen is insaad din. Iyan a nekeilis te amey ku he hadì te Israel, su iyan heini insaad te Nengazen. Ne mibangun ku is baley he para te kebeǥey te zengeg te Nengazen he Megbevayà te Israel.

1 Hadì 8:24

Midtuman nu is saad nu te suluǥuen nu he si David he amey ku. Iyan ka kayi midsaad, ne midtuman nu heini guntaan he andew.

1 Hadì 8:56

“Ereg he edeliǥen is Nengazen su impehimeley zin is menge etew zin he menge Israilihanen sumalà is impenaad din. Midtuman din is langun he insaad din diyà te suluǥuen din he si Moises.

Nehemias 9:8

Neehè nu he mepezumdumahan sikandin kenikew, ne nenangdù ka ziyà te kandin he ibeǥey nu ziyà te menge kevuwazan din is tanà te menge Canaanhen, Hitihanen, Amorihanen, Pirisihanen, Jebusihanen, wey menge Girgasihanen. Ne midtuman nu is insaad nu ziyà te kandan, su metazeng ka.

Isaias 48:3

Egkeǥiyan kew zin te, “Midtagnè ku en dengan ke hengkey is egkehitavù keuzemà te huziyan he timpu. Ne midtik-awan ku heini tumana.

Numero 23:19

Is Megbevayà kenà iring te etew he edtarùtarù; kenà egkahalin is isip din. Duen be nekaǥi zin he ebeelan din he wazè din beeli? Duen be saad din he wazè din tumana?

1 Samuel 3:19

Hein dekelè en si Samuel pedayun is kegiyahi kandin te Nengazen; ne minsan hengkey is egkeǥiyen ni Samuel mibpengelinteuwan te Nengazen he metuman.