Josue 21:38 - Manobo Western Bukidnon OT

^38-39 Ne ziyè daan te tanà he nesakup te tanà te tribu ni Gad mibeǥayan sikandan te heepat he inged, he iyan is: Ramot he ziyà te Gilead (he sevaha zuen te menge inged he eputà he ebpekaaput dutun is etew he nekepatey he wazè din tivevaa), is Mahanaim, Heshbon, wey Jazer, ragkes is menge penebtavà kayi.

Josue 21:38 교차 참조

Genesis 32:2

Ne hein naahà sikandan ni Jacob, ke sikandin te, “Menge sundaru heini te Megbevayà!” Ne migngezanan din haazà is tanà te Mahanaim.

2 Samuel 17:24

Nekeume en ensi David diyà te Mahanaim dutun te nekelayun en ensi Absalom wey is menge sakup din te Wahig he Jordan.

2 Samuel 19:32

Meǥurang en si Barzilai; 80 en is penuiǥen din. Dekelà is ketiǥeyunan din, su iyan sikandin mibeǥey te menge kinehenglanen ni David hein kebpeke-ubpà ni David diyà te Mahanaim.

2 Samuel 2:8

Dutun he timpu, is peremandar te menge sundaru ni Saul he si Abner he anak ni Ner midhendiyà te Mahanaim. Miduma zin si Ishboshet he anak ni Saul.

1 Hadì 22:3

Migkeǥiyan ni Ahab is menge upisyal zin te, “Netuenan niw he kenitew is Ramot Gilead. Piru maan is wazè kiw medhimu te paaǥi he mahawì tew heini ziyà te hadì te Aram?”

1 Hadì 4:13

Si Ben Geber, is gubirnedur te Ramot Gilead, ragkes en kayi is menge inged ni Jair te anak ni Manase, wey is distritu te Argob diyà te Bashan, ragkes en is 60 he dezekelà he menge inged kayi he mibpeliǥuyan te verengbeng, he brunsi is menge trangka te menge pultahan din.

1 Hadì 4:14

Si Ahinadab he anak ni Iddo, is gubirnedur te Mahanaim.

1 Cronica 6:80

Ne is menge inged te tribu ni Gad he imbeǥey kandan iyan is: Ramot diyà te Gilead, Mahanaim,

Deuteronomio 4:43

Ne iyan heini he menge inged: Inged he Bezer he ziyà te suǥud he sibsivayan, ne para heini te tribu ni Reuben; inged he Ramot he ziyà te Gilead, ne para heini te tribu ni Gad; wey inged he Golan he ziyà te Bashan, ne para te tribu ni Manase.

Josue 13:26

Ragkes daan is menge tanà puun te Heshbon taman te Ramat Mizpa wey Betonim, wey puun te Mahanaim taman te dulunà te Lo Debar.

Josue 13:30

Puun te Mahanaim, pehendiyà te tivuuk he Bashan, kes tivuuk he ginhedian ni Hadì Og he hadì te Bashan, wey is 60 he menge inged diyà te Jair he sakup te Bashan.

Josue 20:8

Diyà te edsilaan te Wahig he Jordan he uvey te Jerico, mibpilì dan is Bezer ziyà te sibsivayan he ziyà te menge suǥud he nesakup te tanà te tribu ni Reuben, is Ramot diyà te Gilead he nesakup te tanà te tribu ni Gad, wey is Golan diyà te Bashan he nesakup te tanà te tribu ni Manase.