Josue 21:34 - Manobo Western Bukidnon OT

^34-35 Is nesamà he menge kevuwazan ni Levi he menge kevuwazan ni Merari mibeǥayan te heepat he menge inged he nesakup te tanà te tribu ni Zebulun. He iyan is Jokneam, Karta, Dimna, wey Nahalal, ragkes is menge penebtavà kayi.

Josue 21:34 교차 참조

1 Cronica 6:48

Is menge iring dan he menge Levihanen, ne mibeǥayan te zuma he menge vuluhaten dutun te Tulda he Edtelevukaayan, he valey te Megbevayà.

1 Cronica 6:63

Is menge kevuwazan ni Merari, sumalà te kada pemilya, mibeǥayan te 12 he inged he menge inged te menge tribu ni Reuben, ni Gad, wey ni Zebulun.

1 Cronica 6:77

Is nesamà he menge kevuwazan ni Merari mibeǥayan kayi he menge tanà: Is menge inged te tribu ni Zebulun he imbeǥey kandan iyan is: Jokneam, Karta, Rimono wey Tabor, apil is menge penebtavà kayi.

Josue 12:22

hadì te Kedesh hadì te Jokneam (diyà te Carmel)

Josue 19:11

Ne puun te Sarid mibpehendiyà heini te edsenlepan pehendiyà en te Marala, te Dabeshet, ne midlaus diyà te zal-ug diyà te edsilaan te Jokneam.

Josue 19:15

Ne 12 he dezekelà he inged is nesakup te Zebulun, ne ebpekeuman kayi is dezeisey he menge inged diyà te peliǥuy kayi he menge inged. Nekeuman pa kayi is menge inged he Katat, Nahalal, Shimron, Idala, wey Betlehem.

Josue 21:7

Is menge kevuwazan ni Merari mibeǥayan te 12 he menge inged he nesakup te menge tanà te menge tribu eni Reuben, Gad, wey Zebulun.