Josue 21:27 - Manobo Western Bukidnon OT

²⁷ Is menge kevuwazan ni Gershon he ebpuun daan diyà te tribu ni Levi, nekezawat te zezuwa he inged he nesakup te tanà te ketengà he tribu ni Manase he ziyà dapit te edsilaan he iyan is: Golan diyà te Bashan (he sevaha zuen te menge inged he eputà he ebpekaaput dutun is etew he nekepatey he wazè din tivevaa), wey is Beeshtera, ragkes is menge penebtavà kayi.

Josue 21:27 교차 참조

1 Cronica 6:47

Si Shemer ne anak ni Mali. Si Mali ne anak ni Mushi. Si Mushi ne anak ni Merari. Ne si Merari ne anak ni Levi.

1 Cronica 6:71

Is menge kevuwazan ni Gershon, ne mibeǥayan te menge inged diyà te tanà te ketengà he tribu ni Manase he iyan is: Golan diyà te Bashan wey is Ashtarot, apil en is menge penebtavà kayi.

Deuteronomio 1:4

Neulaula heini hein neipus is kegkezaaǥa ni Moises ki Sihon he hadì te menge Amorihanen, he ziyà ed-ubpà te Heshbon, wey ki Og is hadì diyà te Bashan, he ed-ubpà diyà te Ashtarot wey Edrei.

Deuteronomio 4:43

Ne iyan heini he menge inged: Inged he Bezer he ziyà te suǥud he sibsivayan, ne para heini te tribu ni Reuben; inged he Ramot he ziyà te Gilead, ne para heini te tribu ni Gad; wey inged he Golan he ziyà te Bashan, ne para te tribu ni Manase.

Josue 20:8

Diyà te edsilaan te Wahig he Jordan he uvey te Jerico, mibpilì dan is Bezer ziyà te sibsivayan he ziyà te menge suǥud he nesakup te tanà te tribu ni Reuben, is Ramot diyà te Gilead he nesakup te tanà te tribu ni Gad, wey is Golan diyà te Bashan he nesakup te tanà te tribu ni Manase.

Josue 21:26

Ne 10 langun he menge inged ragkes is menge penebtavà kayi, is imbeǥey ziyà te nesamà he menge kevuwazan ni Kohat.

Josue 21:28

Mibeǥayan daan sikandan te heepat he menge inged he nesakup te tanà te tribu ni Isachar he iyan is: Kishion, Daberat, Jarmut, En Ganim, ragkes is menge penebtavà kayi.

Josue 21:6

Is menge kevuwazan ni Gershon mibeǥayan te 13 he menge inged he nesakup te menge tanà te tribu eni Isachar, Asher, Naftali, wey te ketenga he tribu ni Manase diyà te Bashan.