2 “Kegiyi nu is menge Israilihanen he mebpilì dan te menge inged he eputà sumalà is migkaǥi ku keniyu zengan pinaaǥi ki Moises.
“Beǥayi niw zaan is menge Levihanen te heenem he inged he eputà he zutun ebpelaǥuy is etew he ebpekepatey he wazè din tivevaa. Ne kenè en heini ragkes te 42 he menge inged he ibeǥey niw kandan.
Ne migkaǥi is Nengazen diyà te ki Josue te,
Is etew he ebpekepatey he wazè din tivevaa, ne ebpekaaput dutun ne kenà sikandin egkekeizan te menge etew he egkesuat he ebales kandin.
