Josue 2:14 - Manobo Western Bukidnon OT

¹⁴ Ne migkaǥi haazà is dezuwa he meniniid diyà te ki Rahab te, “Iyan igerentiya zey is untung dey! Basta kenè nu idtug-an is kebpeniid dey kayi, kenè dey sikew ebmenuwen emun ibeǥey en te Nengazen kenami heini he tanà.”

Josue 2:14 교차 참조

Genesis 24:49

“Ne ǥuntaan, egkesuatan ku he metueni ku ke ibpeesawa niw si Rebeka ki Isaac he iyan kebpaahà niw te keupiya niw te egalen ku. Keǥi kew he zaan para metueni ku zaan ke hengkey is ed-ul-ulahan ku.”

Genesis 47:29

Hein egkeǥezam din he meǥaan en sikandin egkeumuri, mid-umew zin si Jose, ne ke sikandin diyà te kandin te, “Emun egkehimu isavuk nu is belad nu kayi te laang ku, ne penangdù ka he ipeehè nu he kenà egkaawà is gaǥew nu kedì. Kenà a ileveng kayi te Ehipto.

2 Samuel 2:5

midsuǥù sikandin diyà te ibpepenudtul ziyà te kandan he egkaǥi te, “Berakat he tuvazi kew te Nengazen te impeehè niw he zekelà is kedmahal niw ki Saul te egalen niw pinaaǥi te kedlevenga niw kandin.

2 Samuel 2:6

Berakat he ipaahà te Nengazen is gaǥew zin wey kebmetinumanen din diyà te keniyu, ne ibpeehè ku zaan is kebpurungi ku keniyu tenged te mibeelan niw.

2 Samuel 9:1

Ne sevaha he andew, nenginginsà si David te, “Duen pe be nesamà te pemilya ni Saul he igkepeehè ku kandin is gaǥew ku tenged ki Jonatan?”

1 Hadì 20:39

Ne kebayà duen te hadì mibensaǥan sikandin dutun te ebpeneuven te, “Datù, nekezuma a te tebek, ne zuen etew he mid-uwit din kayi te kediey is bihag ne ke sikandin te, ‘Bentayi nu heini he etew. Emun ebpekepelaǥuy sikandin, edhimetayan ka etawa ibpevayad ka te 35 he kilu he pelata.’

Erubasa 14:22

Is etew he ebpelanu te mezaat, ebpekevaal te sayep, iyan, is etew he meupiya is ebpelenuwen din, ebmahalen wey ebpezumdumahan sikandin te zuma he menge etew.

Erubasa 18:24

Duen kebpeemiǥuwà he kenà egkeuǥet, iyan, duen daan kebpeemiǥuwà he edhuna pa te kedtelesuled.

Josue 2:13

he kena a keniyu edhimetayan wey is amey ku, iney ku, menge suled ku, wey is langun he pemilya zan.”

Josue 2:15

Is baley ni Rahab nekezegkit duen te elavat he verengbeng duen te inged, umbe midtevangan din sikan is dezuwa he meniniid wey zan mekepenaug he ebayà diyà te sulawà pinaaǥi te kegamit te pisì.

Josue 6:17

Heini is tivuuk he inged wey is langun he netaǥù kayi ibpemuhat diyà te Nengazen pinaaǥi te kedezeeti zuen. Si Rahab dà he ebelegyà te zengeg din wey is tivuuk he pemilya zin is edlibriyen su in-eles din sikan is menge meniniid tew.

Josue 6:22

Ne migkeǥiyan ni Josue sikan is dezuwa he neniid diyà te Jerico te midlavey he timpu te, “Hendiyè kew te valey zuen te vahi he ebelegyà te zengeg din, ne iǥawas niw sikandin wey is langun he sakup te pemilya zin sumalà is insaad niw kandin.”

Josue 6:25

Piru midlibri mulà ni Josue si Rahab wey is pemilya zin su ǥeina te in-eles din sikan is menge maama he midsuǥù ni Josue te kebpeniid te Jerico. Taman en guntaan ne kemulu meǥinged diyà te Israel is menge kevuwazan din.

1 Samuel 20:8

Deyzey ke ebeelan nu heini he iyan ebpenistiǥus te kesebutan he migkaǥi nu kedì diyà te etuvangan te Nengazen. Piru emun nekesalà a iyan, ne minsan sikew zà is edhimatey kedì. Kenè en kinahanglan he ibpalad e pa kenikew te amey nu.”