Josue 19:32 - Manobo Western Bukidnon OT

³² Is ikeenem he mibehinan te tanà pinaaǥi te kedripa iyan is menge pemilya te tribu ni Naftali.

Josue 19:32 교차 참조

Genesis 35:25

Is menge anak din diyà te ki Bilha, sikan is suluǥuen ni Raquel he vahi, ne iyan si Dan wey si Naftali.

Genesis 49:21

“Sikew Naftali, iring ka te impelayud he selazeng he utew memekempet is menge nati zin.

1 Hadì 4:15

Si Ahimaaz, is gubirnedur te Naftali. (Esawa sikandin ni Basemat te anak he vahi ni Solomon.)

Ezekiel 48:3

Is tanà te tribu ni Naftali ne ziyà te zizaya he vahin te tanà te tribu ni Asher, ne is keluag kayi, ebpuun daan diyà te edsilaan taman te zapit te edsenlepan te Israel.

Numero 26:55

Kinahanglan he pinaaǥi te ripa is kebehina zuen te tanà diyà te zekelà wey zeisey he tribu he egketuenan pinaaǥi zuen te sinsus.”

Deuteronomio 33:23

Mehitenged te tribu ni Naftali, migkaǥi si Moises te, “Dekelà is tuvad te Nengazen diyà te tribu ni Naftali. Berakat he maangken dan is tanà he zapit te edsenlepan wey zapit te zivavà.”

Josue 19:31

Iyan heini menge inged he nepengevilin te tribu ni Asher he mibahin diyà te kada pemilya zan.

Josue 19:33

Is dulunè dan mibpuun te Helef wey te kayu he ulayan diyà te Zaananim, mibpehendiyà te Adami Nekeb wey Jabneel midlaus diyà te Lakum, ne ziyà metaman te Wahig he Jordan.

Zatù 1:33

Is tribu ni Naftali, wazè dan daan mesegseg is menge meǥinged diyà te Bet Shemesh wey Bet Anat. Umbe mibpedayun heini he menge Canaanhen he ed-ubpà duma kandan. Piru mibpeǥes dan sikandan te kedterebahu para kandan.

Zatù 4:6

Ne sevaha he andew, impetawag ni Debora si Barak he anak ni Abinoam te tig-Kedesh he sakup te tribu ni Naftali. Kebpekeuma ni Barak, migkaǥi si Debora te, “Is Nengazen he Megbevayà te Israel, edsuǥuen ke zin. Ke sikandin te, ‘Kuwa ke en te 10,000 he menge maama puun diyà te menge tribu ni Naftali wey ni Zebulun ne zumaha nu sikandan diyà te Buntud he Tabor.