Is dulunà te menge tanè dan diyà te zivavà, puun te Sidon pehendiyà te Gerar ne nekeuma heini ziyà te Gasa. Is dulunà diyà te edsilaan nekeuma ziyà te Sodom, Gomora, Adma, wey Zeboyim taman te Lasha.
Ne midhendiyè dan te vinerengbeng he inged he Tyre wey langun he menge inged te menge Hitihanen wey Canaanhen. Ne te neipus dan dutun, midhendiyè dan te Beersheba, he zapit te zivavà te Juda.
Migkaǥi is Nengazen te, “Sikiyu is menge meǥinged diyà te Sidon, egkeengked en is kegkelipey niw. Nezeetan kew en. Minsan ebpelaǥuy kew pehendiyà te Cyprus, wazè niw ǥihapun egkehimelayan diyà.”
Pereremek kew is menge meǥinged diyà te pulu, ragkes kew en is menge nigusyanti ziyà te Sidon. Is menge nigusyanti niw he iyan insepian niw, ed-untud sikandan te menge varku
Meeled ka is inged he Sidon he iyan edengepan te menge etew he ziyà ed-ubpà te veyvey te zaǥat. Ke và dà etew is daǥat ne idselikwey zin en is Sidon he ke sikandin te, “Wazè ku en anak, wazè ku mid-anak-anak he vatà he maama etawa vahi.”
Mibpengelinteuwan te Nengazen he mezaag te menge Israilihanen haazà is menge kuntada zan. Midal-as dan is menge kuntada zan taman diyà te Zekelà he Sidon wey ziyà te Misrefot Maim, wey taman diyà te Suǥud te Mizpa ziyà te edsilaan, taman te naamin dan mepatey is menge kuntada zan.
Wazà neketavang te menge tig-Laish su meziyù haazà te Sidon wey wazà sikandan mebpekidsevaha te ziyà te zuma he inged. Is inged he Laish ne ziyà te menge suǥud he uvey te Bet Rehob. Ne mid-uman haazà benguna te menge kevuwazan ni Dan ne mid-ubpè dan dutun.
