Is dulunà diyà te edsilaan ne iyan is Daǥat he Minatey taman te idsimbuwang te Wahig he Jordan. Is dulunà diyà te zizaya ebpuun daan diyà te idsimbuwang te Wahig he Jordan
Ne puun dutun midlaus heini ziyà te Serebseb te Neftoa, ne ebpuun dutun ebpehendiyà te menge inged he uvey te Buntud he Efron. Ne mibulegkù heini petupang diyà te Baala he iyan is Kiriat Jearim,
Puun dutun, ebpehendiyà heini te zapit te edsenlepan te vuntud he ebpekesinaru te Bet Horon diyà te zivavà. Midsangkù heini ziyà te Kiriat Baal (he iyan is Kiriat Jearim), he sevaha he zekelà he inged te tribu ni Juda. Iyan heini zulunà diyà te edsenlepan.
Umbe, migenat is menge Israilihanen, ne iketelu he andew te kedhipanew zan nekeuma zan diyà te menge inged he ed-ubpan duen te menge etew. Heini he menge inged iyan is Gibeon, Kefira, Beerot, wey Kiriat Jearim.
