Josue 14:2 - Manobo Western Bukidnon OT

² Midtuman dan is suǥù te Nengazen ki Moises, umbe sikan is siyam wey tengà he tribu mibahin diyà te kandan is tanà pinaaǥi te kedripa.

Josue 14:2 교차 참조

Erubasa 16:33

Ebarà is etew su wey zin metueni is dait he ed-ul-ulahan din piru iyan is Nengazen ebpuunan te minsan hengkey he penurù he zait he ed-ul-ulahan.

Erubasa 18:18

Is kedripa ebpeketavang te kesamuk, ebpeketavang daan te kedhusey te kasu te zezuwa he gemhanan he etew.

Ezekiel 45:1

Migkaǥi pa is Nengazen te, “Emun ebehinen niw en is tanà diyà te kada tribu te Israel, sivayi a keniyu te kedì he vahin he ispisyal he gasa he is keleyatan din 12 he kilumitru ne sepulù he kilumitru is keluaǥan din. Heini he tanà ed-isipen he segradu.

Numero 26:52

Ne migkaǥi is Nengazen diyà te ki Moises te,

Numero 33:54

Behina niw haazà he tanà pinaaǥi te ripa he ibpesikad diyà te kezakel te kada tribu. Is tribu he mezakel ebehinan te zekelà, ne is tribu he zeisey ebehinan te zeisey. Is egkevunutan dan iyan en egkehimu he vahin dan. Pinaaǥi kayi egkevahin haazà is tanà diyà te kada tribu.

Numero 34:13

Ne migkaǥi si Moises diyà te menge Israilihanen, “Behina niw heini is tanà he egkepengevilin niw pinaaǥi te ripa. Migkaǥi is Nengazen he ibeǥey heini ziyà te siyam wey tengà he tribu.

Numero 34:17

“Si Eleazar he memumuhat wey si Josue he anak ni Nun iyan ebahin duen te tanà para te menge etew.

Josue 13:7

Behina nu heini he menge tanà diyà te siyam he menge tribu wey te ketengà he tribu ni Manase.”

Josue 18:10

Ne pinaaǥi te kedripa mibeǥayan ni Josue te kandan he vahin is menge tribu te Israel he wazè pa kandan he tanà.

Josue 18:6

Isurat niw is menge zulunà duen te pitu he vahin he tanà, ne uwita niw kayi te kediey, su edripahan ku heini ziyà te etuvangan te Nengazen he Megbevayè tew.