Josue 13:8 - Manobo Western Bukidnon OT

⁸ Is tribu ni Reuben, ni Gad, wey is ketengà he tribu ni Manase daan en mibeǥayan ni Moises he suluǥuen te Nengazen te kandan he vahin diyà te zapit te edsilaan te Jordan.

Josue 13:8 교차 참조

Numero 32:19

Piru kenè key en egkesuat he ed-angken te tanà he egkepengevilin dey zuma kandan diyà layun te Jordan, su iyan en heini kenami he egkepengevilin is diyà te zapit te edsilaan te Jordan.”

Deuteronomio 3:8

“Naaǥew tew zuen te zezuwa he hadì he menge Amorihanen is tanà diyà te Jordan he zapit te edsilaan puun te zal-ug he Arnon pehendiyà te Buntud he Hermon.

Josue 12:1

Nesakup en te menge Israilihanen is menge tanà diyà te edsilaan te Jordan, puun te zal-ug te Arnon taman te Buntud he Hermon, ragkes kayi is tanà diyà te edsilaan he vahin te Araba. Iyan heini menge hadì dutun he menge lugar he nezaag te menge Israilihanen: Si Sihon he Amorihanen he meǥinged diyà te Heshbon. Sakup te ginhedian din is ketengà te Gilead. Puun heini te Aroer he kilid te zal-ug te Arnon, ragkes en is inged diyà te teliwazà kayi he zal-ug taman te zal-ug te Jabok, he dulunà te menge Amunihanen.

Josue 12:6

Nezaag sikandan ni Moises he suluǥuen te Nengazen wey te menge Israilihanen. Imbeǥey ni Moises is tanè dan diyà te tribu ni Reuben, tribu ni Gad, wey ketengà he tribu ni Manase wey zan mepengevilin.

Josue 13:7

Behina nu heini he menge tanà diyà te siyam he menge tribu wey te ketengà he tribu ni Manase.”

Josue 13:9

Is tanè dan, ne ziyà ebpuun te Aroer ziyà te kilid te zal-ug he Arnon (ragkes is inged diyà te kilid kayi he zal-ug) pehendiyà te tivuuk he suǥud puun te Medeba taman te Dibon.

Josue 22:4

Ne ǥuntaan naangken en te zuma niw he menge Israilihanen is kelinew he insaad kandan te Nengazen. Umbe, ulì kew en diyà te keniyu he tanà he ziyè layun te Wahig he Jordan, duen te tanà he imbeǥey keniyu ni Moises he suluǥuen te Nengazen.

Josue 4:12

Midhuna zaan medlayun is neǥumeenan he menge maama he edpuun te tribu ni Reuben, ni Gad, wey te ketengà he tribu ni Manase, sumalà is insuǥù ni Moises kandan.

1 Samuel 13:7

Ne is duma kandan ne midlayun te Wahig he Jordan, ne nemelaǥuy zan diyà te Gad wey ziyà te Gilead. Ne si Saul mulà, ne mibpelintetaǥak diyà te Gilgal, ne ebpengerkeren en te kegkahandek is menge zuma zin dutun.