13 Piru wazà mesegseg te menge Israilihanen is menge Gisurhanen wey is menge Maakatnen. Heini he menge etew nengungubpaan gihapun duma te menge Israilihanen taman en guntaan.
Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.
Neisip-isip dutun te menge Amunihanen he egkepeukan dan ni David. Umbe midsuhulan dan is 20,000 he Aramihanen he menge sundaru he tig-Bet Rehob wey tig-Zoba, 1,000 he sundaru he ebpuun te hadì te Maaca, wey 12,000 he sundaru he ebpuun te Tob.
Is ikezuwa iyan si Kileab he anak din diyà te ki Abigail te esawa zengan ni Nabal he tig-Carmel. Is iketelu iyan si Absalom he anak din diyà te ki Maaca he anak ni Hadì Talmai ziyè te Geshur.
“Iyan, emun kenè niw edsegseǥen is menge meǥinged duen, is egkesamà kandan egkehimu he velavag diyà te egkehunaan niw; egkehimu sikandan he pesek te menge mata niw wey duǥi ziyà te tengkilizan niw. Ebpekeveǥey sikandan te kesamuk te ked-ubpè niw.
Si Jair he kevuwazan ni Manase, iyan nekaangken te tivuuk he Argob he sakup te Bashan taman te dulunà te tanà te menge Gisurhanen wey menge Maakatnen. Heini he lugar migngezanan ni Jair te kandin he ngazan, umbe minsan guntaan kemulu egngezani is Bashan te, ‘Menge Inged ni Jair.’
Is nesakup te ginhedian din iyan is Buntud te Hermon, Saleca, is tivuuk he Bashan taman te zulunà te Geshur wey Maaca, wey is ketengà te Gilead taman te zulunà te Heshbon he nesakup te lugar ni hadì Sihon.
Ragkes daan is Gilead wey is menge tanà he mid-ubpaan te menge Gisurhanen wey menge Maakatnen, is tivuuk he Buntud he Hermon, wey is tivuuk he Bashan taman te Saleca.
Ragkes daan is tivuuk he ginhedian ni Og, he midhadì diyà te Ashtarot wey ziyà te Edrei. Si Og, ne sevaha te nesamà te menge kevuwazan te menge Ripanhen he midaag ni Moises ne midsegseg din sikandan puun te tanè dan.
Wazà beǥayi ni Moises is tribu ni Levi te tanà he egkepengevilin dan. Kekenà, iyan egkezawat dan is bahin te menge pemuhat pinaaǥi te hapuy he ibpemuhat diyà te Nengazen he Megbevayà te Israel, sumalà is migkaǥi zin diyà te ki Moises.
Dutun he timpu edsurungen ni David wey te menge sakup din is menge Gisurhanen, Girzanen, wey menge Amalikanhen. Puun pa zengan heini he menge etew ne ziyà med-ubpà te lugar he ebpehendiyà te Shur wey Ehipto.
