4 Is ikezuwa ne iyan si Og, is hadì diyà te Bashan. Sevaha sikandin te nesamà he menge kevuwazan te menge Ripanhen. Meǥinged sikandin diyà te Ashtarot wey ziyà te Edrei.
Neulaula heini hein neipus is kegkezaaǥa ni Moises ki Sihon he hadì te menge Amorihanen, he ziyà ed-ubpà te Heshbon, wey ki Og is hadì diyà te Bashan, he ed-ubpà diyà te Ashtarot wey Edrei.
Ragkes daan is tivuuk he ginhedian ni Og, he midhadì diyà te Ashtarot wey ziyà te Edrei. Si Og, ne sevaha te nesamà te menge kevuwazan te menge Ripanhen he midaag ni Moises ne midsegseg din sikandan puun te tanè dan.
Ragkes kayi is ketengà te Gilead, wey is Ashtarot wey Edrei, he menge dezekelà he inged diyà te Bashan he ginhedian ni Og. Iyan heini tanà he imbeǥey ziyà te ketengà te menge kevuwazan ni Makir te anak ni Manase, he mibahin diyà te kada pemilya zan.
