Josue 1:7 - Manobo Western Bukidnon OT

⁷ Basta mebpekelig-en ka wey mebpekevurut ka utew. Purungi nu sunuza is langun he kesuǥuan he imbeǥey kenikew ni Moises te suluǥuen ku. Kenè nu heini engkezi, su para medlampus ka te langun he ebeelan nu.

Josue 1:7 교차 참조

1 Hadì 2:2

“Hapit ad ebpatey. Umbe mebpekelig-en ka wey mebpekevurut,

1 Hadì 2:3

ne tumana nu is ibpetuman te Nengazen he Megbevayè nu. Sunuza nu is menge paaǥi zin, wey tumana nu is menge sulunuzen wey menge suǥù he ingkesurat diyà te Kesuǥuan ni Moises, su wey ka med-uswag diyà te langun he ebeelan nu, minsan hendei ka ebpevayà.

2 Hadì 22:2

Meupiya is baal zin diyà te etuvangan te Nengazen ne mid-iringan din is ulaula te kepuun din he si David. Midsunud din is hustu.

1 Cronica 22:13

Ne emun egkepurung nu egketuman is menge suǥù wey menge sulunuzen he imbeǥey zin te Israel pinaaǥi ki Moises, ne ebmelempusen ka. Umbe mebpekelig-en ka wey mebpekevurut ka. Kenè ka mahandek wey mebpenluyaluya.

2 Cronica 15:7

Sikiyu mulà guntaan, ne pekevurut kew ne kenè kew mebmeluya, su edsuhulan kew tenged te menge vaal niw.”

2 Cronica 26:5

Midangep sikandin te Megbevayà hein timpu ni Zacarias, he iyan mibpenurù kandin te kedtahud te Megbevayà. Te kebpedayun din te kedangep te Nengazen, ne ibpeuswag sikandin te Megbevayà.

Job 1:8

Migkaǥi is Nengazen diyà te kandin te, “Neseǥipè nu ve is suluǥuen ku he si Job? Wazà iring kandin diyà te kelibutan. Metazeng sikandin wey wazà igkesawey kandin. Midtahud e zin wey ebpeninguhà he kenà mekevaal te mezaat.”

Salmo 80:19

He Nengazen he Mekeǥeǥehem he Megbevayà, ilikù nu zini te kenami is meupiya he kebpekesavuk dey! Ipeehè nu kenami is hizu nu su wey key melibri.

Erubasa 4:27

Pengungubpaan ka he metazeng; likayi nu is kebaal te mezaat.

Erubasa 8:20

Edsunuzen ku is metazeng wey is hustu.

Daniel 10:19

Migkaǥi sikandin kayi te kedì te, “Sikew is mibmahal te Megbevayà, kenè ka mahandek wey meipeng. Pekezesen ka.” Ne kegkekeǥiya zin dutun kayi te kedì ne mibmezesen a. Ne zutun migkaǥi a te, “Datù, ipelaus nu en is menge lalag nu su midteǥuan ad kenikew te zesen.”

Numero 27:23

Ne sumalà te insuǥù te Nengazen kandin, indampè din is menge palad din diyà te ki Josue ne impetuenan din he si Josue is ebpekeilis kandin.

Deuteronomio 11:8

“Umbe tumana niw is langun he menge suǥù he ibeǥey ku keniyu guntaan, para zuen niw zesen te kedhipanew wey te ked-angken duen te tanà he ziyà layun te Wahig he Jordan.

Deuteronomio 12:32

“Tumana niw is langun he insuǥù ku keniyu. Kenè niw heini umani wey kenè niw terini.

Deuteronomio 28:14

Umbe, kenè niw repasa is minsan hengkey he idsuǥù ku keniyu ǥuntaan, ne kenè kew medsunud te zuma he menge ed-ezapen wey kenè kew penilbi kandan.

Deuteronomio 29:8

Mid-aǥew tew is tanè dan ne imbeǥey haazà diyà te menge tribu ni Reuben, ni Gad, wey ziyà te ketengà he tribu ni Manase he para egkepengevilin dan.

Deuteronomio 29:9

“Umbe purungi niw te edtuman is ibpetuman keniyu kayi te kebpekid-uyun keniyu, su para mebmeuswaǥen kew ziyà te langun he ebeelan niw.

Deuteronomio 31:7

Ne mid-umew ni Moises si Josue ne midlelaǥan din diyà te etuvangan te langun he menge Israilihanen te, “Mebpekezesen ka wey mebpekevurut ka, su iyan ka ebpengulu kayi te menge etew te kedhendiyà te tanà he impenangdù te Nengazen he ibeǥey zin diyà te menge kepuun dan, ne kinahanglan he ebehinen nu kandan haazà is tanà he egkepengevilin dan.

Deuteronomio 4:2

Kenè niw umani wey kenè niw terini is menge suǥù he ibeǥey ku keniyu he ebpuun diyà te Nengazen he Megbevayè niw. Tumana niw iyan heini.

Deuteronomio 5:32

“Umbe purungi niw te edtuman is inmandù te Nengazen he Megbevayè niw keniyu. Kenè niw supaka is minsan sevaha zà duen te menge suǥù din.

Josue 1:1

Hein minatey en si Moises is suluǥuen te Nengazen, ne migkaǥi is Nengazen diyà te timbang ni Moises he si Josue he anak ni Nun te,

Josue 1:8

Kenè nu lipati te ebasa is Libru te Kesuǥuan. Ne purungi nu ngunngunua maandew wey mezukilem su para metueni nu ke ebmenmenuwen te edtuman is langun he ingkesurat kayi. Su pinaaǥi kayi ebmeuswaǥen ka wey ebmelempusen.

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”

Josue 11:15

Iyan heeyan insuǥù te Nengazen ki Moises, ne insuǥù daan heini ni Moises diyà te ki Josue. Ne midtuman ni Josue is langun he insuǥù te Nengazen ki Moises.

Josue 23:6

“Mebpekelig-en kew, ne peniguduwi niw he metuman niw is langun he ingkesurat diyà te Libru te Kesuǥuan ni Moises. Kenè niw repasa is minsan hengkey he vahin kayi.