Josue 1:15 - Manobo Western Bukidnon OT

¹⁵ taman te egkaangken dan en is tanà he egkehimelayan dan he imbeǥey te Nengazen iring te naangken niw en. Ne emun egkeulaula en heini, ne egkehimu en he ebpekehulenè kew te ked-angken te tanà kayi te Jordan he zapit te edsilaan he imbeǥey keniyu ni Moises te suluǥuen te Megbevayà.”

Josue 1:15 교차 참조

Deuteronomio 3:18

“Dutun he timpu mibmenduan ku is menge tribu niw he ziyà ebpen-ubpà te zapit te edsilaan te Wahig he Jordan, he ke siak te, ‘Minsan imbeǥey en heini he tanà diyà te keniyu te Nengazen he Megbevayè niw su wey niw maangken, kinahanglan gihapun he edlayun te Wahig he Jordan is langun he menge sundaru niw he egkeǥumeenan su wey zan megiyahi is duma niw he menge Israilihanen te kebpekidtebek.

Deuteronomio 3:20

Emun egkaangken en te zuma niw he menge Israilihanen is tanà he leyunè niw he ibeǥey kandan te Nengazen he Megbevayè niw, ne emun pinaaǥi kandin ne wazè en igkaawan dan iring te mibeelan din diyà te keniyu, ne egkehimu en he edlikù kew ziyà te tanà he imbeǥey ku keniyu.’

Deuteronomio 9:1

“Pemineg kew is menge etew te Israel. Guntaan edlayun kew en te Wahig he Jordan su para maangken niw en is menge nasyun he edhuna he dezekelà wey menge mekeǥeǥehem kenà keniyu. Dezekelà is menge inged dan ne memetikang is berengbeng duen su henduen be te ebpekesungkul en diyà te langit.

Josue 1:1

Hein minatey en si Moises is suluǥuen te Nengazen, ne migkaǥi is Nengazen diyà te timbang ni Moises he si Josue he anak ni Nun te,

Josue 1:14

Is menge esawa niw, wey is menge anak niw ne mebpetaǥak dà kayi te tanà he zapit te edsilaan he vahin te tanà kayi te Jordan duma te menge uyaǥen niw. Piru is menge sundaru niw kinahanglan he edhuna sikandan edlayun te ked-uǥup te menge suled niw,

Josue 1:16

Ne midtavak dan si Josue te, “Ebeelan dey is langun he migkaǥi nu, ne edhendiyè key te minsan hendei he ebpeveyaan nu kenami.

Josue 22:1

Ne zutun midtiǥum ni Josue is menge tribu ni Reuben, ni Gad, wey is ketengà he tribu ni Manase.