Jonas 3:2 - Manobo Western Bukidnon OT

² “Hendiyè kad human te zekelà he inged he Nineve, ne isangyew nu sikan is migkaǥi ku ziyà te kenikew.”

Jonas 3:2 교차 참조

Ester 9:31

ne insuǥù dutun te surat he silibraha zan is andew te Purim te hustu he timpu sumalà te insuǥù ni Mordecai he Judio, he iyan daan insuǥù ni Rayna Ester. Edsunuzen dan heini, iring te kedsaunuza zan wey te menge kevuwazan dan te menge sulunuzen mehitenged te kebpuasa wey kedlalew.

Exodus 4:28

Ne midtudtul ni Moises diyà te ki Aaron is minsan hengkey he ibpekaǥi kandin te Nengazen, wey is langun he menge singyal he ebpeveelan kandin te Nengazen.

Jeremias 1:17

Ne ǥuntaan, endama nu is keugelingen nu. Genat ka ne keǥiya nu kandan is langun he insuǥù ku kenikew. Kenè nu sikandan ikahandek. Su emun egkahandek ka, ibpeiseg ku pa is kegkahandek nu ziyà te etuvangan dan.

Jeremias 1:7

Piru migkaǥi is Nengazen kayi te kedì te, “Kenè ka megkaǥi te vetan-en ke pa. Kinahanglan he hipanew ka minsan hendei ku sikew edsuǥua, ne keǥiya nu is minsan hengkey he ibpekaǥi ku kenikew.

Ezekiel 2:7

Keǥiya nu is menge lalag ku ziyà te kandan, mebpemineg heini is menge mesinupaken etawa kenà.

Ezekiel 3:17

“Sikew is etew, midhimu ku sikew he perevantey te menge etew te Israel. Umbe emun duen egkezineg nu he petizaan he ebpuun kayi te kedì ne segugunè nu keǥiya ziyà te kandan.

Jonas 1:2

“Segugunè ka hendiyà te zekelà he inged he Nineve, ne keǥiyi nu is menge etew zutun, he engkezi zan is mezaat he menge ulaula zan su sumalà is neehè ku, utew subra is kezaat te menge ulaula zan.”

Jonas 3:1

Ne migkeǥiyan en maan te Nengazen si Jonas te,

Jonas 3:3

Ne human mebpezumazuma si Jonas, ne midhendiyà sikandin te Nineve. Ne is Nineve utew zekelà he inged; tetelu he andew is kedhipenawa zutun ne human ta egkepangkus.