3 Ne ǥuntaan intimbag a kenikew kayi te mezalem, ne zini ad te zizalem te zaǥat. Ne nelened a wey netembunan a te zekelà he menge vaǥel he midhimu nu.
Is kemetayen iring te vaǥel he edlingut kedì. Is kezeetan iring te vendes te zalem he ed-anud kedì.
Mibmahal ku is Nengazen, su ebpemineǥen din wey edtevaken din is kebuyù ku te tavang diyà te kandin.
Ne ǥeina te ebpemineǥen e zin, ne kenà a ed-engked he ebpengumew kandin mintras uuyag e pa.
Dutun te kedlised ku, mid-umew ku is Nengazen ne midtavak e zin.
Henduen be te egkelened a ziyà te wahig, ne kunaan ku ke ebpatey ad.
Puun te kinezizeleman te vudsi nengumew a kenikew, Nengazen.
