8 Ne zutun migkeǥiyan dan si Jonas te, “Maan is nehitavù heini is bagyu? Maan is kayi ka? Hendei ka ebpuun? Hengkey is ngazan te nasyun nu? Hengkey ka he kelasi te etew?”
Ne mid-insaan sikandan dutun te hadì te, “Hengkey is terebahu niw?” Ne midtavak sikandan te, “Menge bekidu key te menge uyaǥen, iring te menge ginikanan dey.”
Ne migkaǥi si Josue ziyà te ki Acan te, “Mama, beǥayi nu te zengeg is Nengazen he Megbevayà te Israel; keǥiya nu is tutuu ziyà te etuvangan din. Keǥiya nu kayi te kediey ke hengkey is mibeelan nu? Kenè nu heini ieles kediey.”
Ne migkeǥiyan ni Saul si Jonatan te, “Hengkey ves is mibeelan nu?” Midtavak si Jonatan te, “Intiyuk ku is purù te tuked ku zuen te teneb ne migkaan a te deisey zà. Ne, kinahanglan buwa he edhimetayan a?”
Ne human insai ni David te, “Hentei ves is egalen nu? Tege hendei ke ves?” Midtavak sikandin te, “Sevaha a he Ehiptohanen ne uripen a te sevaha he Amalikanhen. Mid-ewaan a te egalen ku, tetelu en he andew su midezaru a.
