Jonas 1:4 - Manobo Western Bukidnon OT

⁴ Ne hein dutun en te zaǥat, impepengeramag te Nengazen te utew mevandes, ne tenged te kevandes din henduen be te egkezeetan en haazà is barku.

Jonas 1:4 교차 참조

Salmo 135:6

Midhimu te Nengazen is minsan hengkey he egkesuatan din, diyà te langit, dini te tanà, diyà te menge zaǥat, wey ziyà te kinezizeleman kayi.

Salmo 135:7

Impezivavew zin is menge ǥapun he ebpuun diyà te meziyù he menge vahin kayi te kelibutan, ne midhimu zin he mebpengilat duma is ked-uzan. Ibpeǥawas din is keramag puun te neteǥuan kayi.

Salmo 148:8

Deliǥa niw te Nengazen, sikiyu is menge kilat, menge ǥiyew, menge ǥapun, wey mevendes he keramag he edtuman ke edsuǥuen din.

Exodus 10:13

Umbe, mibantang ni Moises diyà te tanà he Ehipto sikan is tuked din, ne zutun te tivuuk he andew wey tivuuk he kezukileman, impepengeramag te Nengazen dutun he tanà te keramag he ebpuun diyà te edsilaan. Ne kegkemeselem, nekeuwit en te terapan haazà is keramag

Exodus 10:19

Ne zutun impepengeramag te Nengazen te mevandes he keramag he ebpuun diyà te edsenlepan, ne impenlayap dutun sikan is terapan ne ziyà meuwit te Zaǥat he Meriǥà. Ne wazè en terapan he nesamà diyà te tivuuk he Ehipto.

Exodus 14:21

Ne migketeng ni Moises is belad din diyà te zivavew zutun te zaǥat, ne zutun te tivuuk he kezukileman impehiyup te Nengazen haazà is daǥat te mevandes he keramag he ebpuun diyà te edsilaan ne zutun nevahin is daǥat ne neluwisan is nezalandalan he tanà diyà te zizalem dutun te zaǥat.

Exodus 15:10

Piru senge pedhiyup nu zà ne nengelened sikandan te zaǥat. Neiring sikandan te timeǥà he inteledted diyà te mezalem.

Jeremias 51:16

Pinaaǥi te kebmandù din, edreǥuuk is wahig diyà te langit. Iyan sikandin ebpeǥawas te menge kivel he ebpuun diyà te meziyù he vahin te kelibutan. Ibpekilat din ke ed-uzan, wey ibpepengeramag din te ebpuun diyà te midteǥuan din duen.

Amos 4:13

Is Megbevayà, iyan mibaal te menge vuvungan wey midlimbag te keramag, ne iyan daan sikandin edliwan te meselem te mezukilem. Impahayag din diyà te etew is menge pelanu zin, ne iyan sikandin ebayàbayà te tivuuk he kelibutan. Is ngazan din iyan is Nengazen he Megbevayà he Mekeǥeǥehem.

Numero 11:31

Ne zutun impepengeramag te Nengazen te ebpekeuwit te menge piyuǥù puun te zaǥat. Ne nemenlayang dan diyà te peliǥuy te kampu he tetelu he ǥiek is ketikang dan puun te tanà, ne nepipira he kilumitru is keluǥayad wey keluag te tanà he nezebpakan dan.