Joel 3:19 - Manobo Western Bukidnon OT

¹⁹ “Is Ehipto egkehimu he mekevulungbulung, ne is Edom egkehimu he disirtu su midsurung dan is menge etew ziyà te Juda; mibpenhimetayan dan is kenà ereg he edhimetayan.

Joel 3:19 교차 참조

Salmo 137:7

Tentenuzi nu, Nengazen, is mibeelan te menge Edomnen hein mid-aǥew te menge tig-Babilonia is Jerusalem. Migkaǥi zan te, “Purungi niw heeyan bengkaǥa.”

Isaias 11:14

Edsevaha sikandan te kedsurung te menge Filistihanen diyè dapit te edsenlepan. Edsurungen dan daan is menge nasyun diyà te edsilaan ne edtevanen dan is menge azen kayi. Edsekupen dan is Edom wey Moab, ne is menge Amunihanen ebpesakup daan kandan.

Isaias 11:15

Ebpekemezahan te Nengazen is Daǥat te Ehipto, ne ebpekeremaǥan din te meinit he keramag is Wahig he Eufrates para mehimu zà heini he pitu he zezeisey he menge zal-ug para egkehimu zà heini he edrepasen te etew he edlayun.

Jeremias 49:17

Migkaǥi pa is Nengazen te, “Igkahandek te menge etew is mezaat he kebpekesavuk te Edom. Is langun he edsaǥad kayi ne egkeinuinu ne henduen be te kenà ebpeketuu te egkehitavù kayi he nasyun.

Penhulùhulù 4:21

Sigi, lipey kew wey medlipeylipey, sikiyu is menge etew ziyà te Edom he ebpemen-ubpà diyà te tanà he Uz. Piru ibpeinum daan keniyu is tasa he midteǥuan te silut te Nengazen, ne egkelangut kew wey egkelevasan.

Obadias 1:1

Iyan heini migkaǥi te Nengazen he MEGBEVAYÀ mehitenged te nasyun he Edom, he impezayag din diyà te ki Obadias. Sikitew is menge Israilihanen, nezineg tew is tudtul he ebpuun te Nengazen he zuen menge menunudtulà he midsuǥù din pehendiyà te menge nasyun su wey zan mehinggat heini he menge nasyun te kebpekidtebek te nasyun he Edom.

Habakuk 2:17

Mibpemiley niw is menge kayu ziyà te Lebanon, ne midhimetayan niw is menge langgam duen. Umbe edezeetan kew zaan ne egkerkeren kew te kegkahandek. Egkehitavù heini keniyu tenged te kebpenhimatey niw te menge etew wey kebpendezaat niw te menge tanè dan wey menge inged dan.

Zacarias 10:10

Ibpeulì ku sikandan puun te Ehipto wey Asiria. Ne ibpeubpè ku sikandan diyà te ubpeey zan taman te Gilead wey Lebanon. Edsubra is kezakel zan taman te kenè dan en ed-ereg diyà te tanè dan.