Joel 3:15 - Manobo Western Bukidnon OT

¹⁵ Ebmerusirem is andew wey is bulan, ne kenè en edsiǥa is menge vituen.

Joel 3:15 교차 참조

Megwewali 12:2

Tentenuzi nu sikandin te kenè pa ebmerusirem diyà te kenikew is kerayag ta andew, bulan wey menge vituen, wey kenè pa ebmerusirem diyà te kenikew is nekeliǥuy kenikew he henduen be te layun ebmerusirem tenged te ǥapun.

Isaias 13:10

Kenè en ed-anlag is menge vituen. Egawas is andew he merusirem, wey minsan is bulan ne kenè en ed-anlag.

Ezekiel 32:7

Emun igkaawè ku en sikew, ed-elangan ku te ǥapun is langit, ne kenè en ebpekeveǥey te kerayag is menge vituen, wey is andew wey vulan.

Joel 2:10

Egkehuyung is kelibutan wey is langit dutun te kebpekeuma zan. Ebmerusirem is andew wey is bulan ne kenè en edsiǥa is menge vituen.

Joel 2:31

Ebmerusirem is andew, ne is bulan ebmeriǥà iring te lengesa. Kenà heini egkehitavù emun kenè pa egkeuma is mekahandekhandek he kedhukum te Nengazen.”