Jeremias 9:3 - Manobo Western Bukidnon OT

³ Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Jeremias 9:3 교차 참조

Genesis 39:16

Ne intaǥù dutun te vahi haazà is samput ni Jose taman te nekeulì is esawa zin.

Erubasa 12:5

Hustu is ed-is-isipen te etew he metazeng, iyan, limbung mulà is idsambag te etew he mezaat is menge ulaula zin.

Isaias 1:3

Minsan ganì is menge vaka ebpekekilala te egalen dan, is menge asnu ebpeketuredu te selemakà he zutun sikandan ibpekaan te egalen dan, piru is menge kevuwazan ni Israel he menge etew ku ne wazà mekekilala kediey.”

Isaias 3:5

Edluplupiǥen te kada sevaha he etew is iring din he etew. Is menge vatà edsukul te menge meǥurang, wey edsukul zaan is menge egkaayuayu te menge dungganen.

Isaias 6:5

Ne migkaǥi a te, “Mekehizuhizu a! Su kenà duwazuwa he edezeetan a, su mezaat is ebpengeǥiyen ku wey is menge etew he emurè ku, mezaat daan is kandan he ebpengeǥiyen. Ne ǥuntaan neehè ku is Hadì he iyan is Nengazen he Mekeǥeǥehem.”

Isaias 9:18

Su is kelelalung dan iring te hapuy he nekevinsul te zuǥiyen he zezeisey he kayu. Edriyubriyub heini iring te hapuy he nekevinsul te menge kayu, ne mekepal he evel is midlipuwak pehendiyà te zivavew.

Jeremias 12:6

Minsan is menge suled nu he maama, he sakup pezem te pemilya nu, ne midluib kenikew. Mezaat is pelanu zan diyà te kenikew. Kenè ka sarig kandan minsan meupiya pa is egkeǥiyen dan diyà te kenikew.

Jeremias 22:16

Midlevanan din is ketenged te menge pubri wey egkengeey-eyuwan, umbe midlampus sikandin. Iyan heeyan hustu he paaǥi te kedtehuza kedì te Nengazen.

Jeremias 31:34

Wazè en egkaǥi ziyà te emurè din te inged etawa suled din te kinahanglan he egkilelaan nu is Nengazen. Su pudu en sikandan egkilala kedì, puun te kinemevevaan pehendiyà te kinetikangan is ked-etew zan. Su ebpeseyluwen ku sikandan te menge mezaat he neveelan dan, ne kenè ku en edtentenuzan is menge salè dan.” Iyan a, is Nengazen, is migkaǥi kayi.

Jeremias 4:22

Migkaǥi is Nengazen te, “Tulebung is menge etew ku; wazè e zan mekilala. Iring sikandan te engey he menge vatà he kenà ebpekesavut. Utew zan metau he ebaal te mezaat, ne kenè dan mulà egketau he ebaal te meupiya.”

Jeremias 5:4

“Kunaan ku ke menge pubri zà sikandan, iyan, menge tulebung dan bes. Su wazè dan metueni is menge paaǥi te Nengazen he Megbevayè dan he ibpetuman kandan.

Jeremias 5:5

Umbe, midhendiyà a te menge pengulu zan su wey ku sikandan melelaǥi. Siguradu he netuenan dan is menge paaǥi te Nengazen he Megbevayè dan he ibpetuman kandan.” Piru minsan sikandan, inselikwey zan daan is menge ibpetuman te Megbevayà.

Jeremias 6:28

Pudu sikandan mesinupaken wey kenà ebpezumazuma; iring sikandan te kenà egkepekù he brunsi wey putew. Wazà duma he vaal zan, kekenà, iyan dà is kebutangbutang wey kedtuntu te zuma.

Jeremias 7:26

Piru wazè niw sikandan pemineǥa wey tuuwi. Edhuna kew pa he menge mesinupaken wey edhuna pa he mezaat is menge vaal niw kenà te menge kepuun niw.

Jeremias 9:5

Is kada sevaha edlimbungan din is iring din he etew, ne wazà minsan sevaha he egkaǥi te tutuu. Nelayam en is dilè dan te kedtarùtarù, ne edheǥuan dan is kebaal te salà.

Jeremias 9:8

Su is menge zilè dan iring te ibpatey he panà, ne pudu tarù is ebpengeǥiyen dan. Uvag egkaǥi sikandan te meupiya ziyà te iring dan he etew, piru ziyà te gehinawa zan ebpelanu zan te kedezaat kandan.

Ezekiel 8:13

Migkaǥi en maan is Megbevayà te, “Ebpekeehè ke pa te edhuna pa keniyan he utew mezaat.”

Daniel 11:27

“Ne kegkepasad dutun ne uvag ebpepurungà heini is dezuwa he hadì piru pudu zan teruen, pudu zan ed-isip te paaǥi te kedlimbungi te sevaha kandan. Piru wazà edlampus kandan dutun te ebpekedsuvar he tuyù dan. Ne ebpedayun is kebpekidtebek dan su wazè pa meuma is netelaan te Nengazen he timpu te ketepusan.

Leviticus 19:11

Kenè kew mebpenakew, medtarùtarù, etawa medlimbung te iring niw he etew.

Zatù 14:17

Puun dutun midtulung en medsineǥew haazà is bahi taman te ikepitu he andew. Umbe nekaǥi ni Samson diyà te kandin is entuk su ǥeina te edteǥel sikandin. Ne is migkaǥi ni Samson diyà te kandin ne migkaǥi zin duen te menge zuma zin he Filistihanen.

Zatù 2:10

Ne hein nemematey en is menge etew zutun he lapis te kevuwazan, nekeilis is sunud he lapis te kevuwazan he wazà mekekilala te Nengazen wey wazè dan hanew ke hengkey is mibeelan te Nengazen para te Israel.

1 Samuel 2:12

Is dezuwa he menge anak ni Eli menge tulebung he menge etew. Wazè dan medtuman te suǥù kandan te Nengazen.