Jeremias 9:17 - Manobo Western Bukidnon OT

¹⁷ Mibpedayun megkaǥi is Nengazen he Mekeǥeǥehem, “Ngunngunua niw is nengehitavù. Umawa niw is menge vahi he peresineǥew, lavew en sikan is utew metau he edluluǥib.

Jeremias 9:17 교차 참조

2 Cronica 35:25

Mibaal si Jeremias te menge penhulùhulù he tedeman para ki Josia, ne taman en guntaan is kegkentaha kayi te menge perekanta. Heini he menge penhulùhulù ne layun egkentaha ziyà te Israel, ne ingkesurat diyà te menge penhulùhulù.

Job 3:8

Deyzey ke rewaki haazà he kezukileman te edrawak he metau he ebpukew te dragun he egngezanan te Leviatan.

Megwewali 12:5

Egkahandek ke en he ebpenekezeg etawa edhipanew ziyà te kersada. Ebmeputì en is menge vulvul nu ne egkaawè en is arig nu. Ne te huziyan he timpu ebpekehendiyè ka te lugar he iyan egkeubpaan nu te wazà pidtemanan, ne mezakel is egkeseeng kenikew ziyà te menge kersada.

Jeremias 7:29

He menge tig-Jerusalem, pekiskisi niw is menge ulu niw ne itimbag is menge vulvul niw he tuus te kegkeseeng niw. Lalew kew ziyà te menge zemilag he menge vuvungan, su inselikwey wey mibey-anan kew te Nengazen is lapis te menge kevuwazan niw he egkepeukan din.”

Penhulùhulù 2:5

Midezeetan te Nengazen is Israel he iring sikandin te kuntada. Midwaǥey zin is binerengbeng he menge inged kayi te Israel is langun he melig-en he menge vahin kayi. Mid-umanan din pa is kegkeseeng wey sineǥawan diyà te Juda.

Ezekiel 27:2

“Sikew is etew, kanta ka te kentahan para te kebpenhulùhulù mehitenged te Tyre,

Ezekiel 32:16

“Iyan haazà penhulùhulù te menge meǥinged diyà te menge nasyun para te Ehipto wey te langun he menge meǥinged kayi. Iyan a, is Nengazen he MEGBEVAYÀ, is migkaǥi kayi.”

Amos 5:1

Menge etew te Israel, pemineǥa niw heini is mekeseseeng he kebpenhulùhulù mehitenged keniyu:

Micas 2:4

Dutun he andew edsudien kew te menge etew pinaaǥi te mekeseseeng he penhulùhulù he edhenduen te, ‘Mibpurungan key zezeeti! Migkuwa te Nengazen is tanè dey ne imbeǥey zin diyà te menge limbungan.’ ”