Jeremias 6:7 - Manobo Western Bukidnon OT

⁷ Iring heini te serebseb he kenà ed-engked he edtuda, su kenà daan egkeengked is kebaal te mezaat kayi. Layun egkezineg kayi he inged is kebpaantus wey kebpendezaat. Is daru wey palì kayi iyan layun ku egkaahà.

Jeremias 6:7 교차 참조

Erubasa 4:23

Purungi nu pekeventayi is diyà te isip nu, su ke hengkey is ed-is-isipen nu, iyan daan egkeveelan nu.

Isaias 1:6

Puun te ulu zin taman te parapara zin ne wazè en egkekaǥi ta he meupiya, su pudu en palì, daǥem, wey levag. Wazà heini melùlui, etawa mevukusi, etawa mevewii.

Isaias 57:20

Piru is menge lalung, ne wazè dan kelinew; iring sikandan te ebpemaǥel he zaǥat he edtampil te menge sagbet wey menge meremerik diyà te veyvey.

Jeremias 20:8

Su emun egkaǥi a ne ibpengulahì ku is kebpendaagdaag wey kezeetan. Ne iyan heini he menge lalag is ebpuun diyà te kenikew igkeengiti wey igkesudii kedì.

Jeremias 30:12

Migkeǥiyan pa te Nengazen is menge etew zin te, “Is menge palì niw kenè en heini egkeulian su utew en grabi. Wazà ebpeketavang wey ebpeketambar keniyu. Wazè en bawì para keniyu.

Jeremias 30:15

Kenè kew riklamu tenged te palì niw he kenà egkeulian. Midsilutan ku sikiyu su utew en meveǥat is menge salè niw wey utew en mezakel.

Jeremias 32:31

Puun pa te kegketukud kayi he inged taman en guntaan, midhimu te menge meǥinged kayi he mepauk a. Umbe edezeetan ku heini.

Jeremias 8:22

Wazè be bawì diyà te Gilead? Wazè be ebpemawì diyà? Maan is wazà meulii is palì te menge emurè ku te inged?

Ezekiel 21:29

Kenà tutuu is menge nelewasan wey menge tagnà he nezawat niw mehitenged te ispada. Iyan tutuu is, andam en is ispada te kedtamped te menge lieg te lalung he menge etew. Neume en is timpu te kedsiluti kandan.

Ezekiel 24:7

Su is kebpenhimatey zin nekeleduwan te langun. Is lengesa te mibpenhimetayan din mibey-anan din dà diyà te menge vatu he egkaahà te langun. Wazè din ganì heini vunbuni te tanà.

Ezekiel 45:9

Su iyan a is Nengazen he MEGBEVAYÀ, migkaǥi: Sikiyu is menge pengulu te Israel, subre en is mibeelan niw! Engkezi niw en is kebpenggulpi niw wey kebpendaagdaag, ne veeli niw is metazeng wey hustu. Kenè niw en eǥawi te tanà is menge etew ku.

Ezekiel 7:11

Is utew zan kegkemesipala edlikù diyà te kandan he silut tenged te kelelalung dan. Wazà egkesamà kandan, ne egkahanew is langun he ketiǥeyunan dan.

Ezekiel 7:23

“Ibpevihag ku is menge etew ku su grabi is hinimetayà wey kesamuk diyà te nasyun dan.

Zefanias 3:1

Migkaǥi si Zefanias te, “Mekehizuhizu is Jerusalem! Is menge meǥinged kayi nekidsukulà te Megbevayà wey mibaal te mezaat he menge vaal, ne is menge pengulu kayi midlisedlised dan is menge etew.