Jeremias 6:25 - Manobo Western Bukidnon OT

²⁵ Kenè kew hendiyà te menge vevesukà wey kenè kew hiphipanew ziyà te menge zalan, su zuen menge kuntada he andam he edhimatey kenitew. Mekahandekhandek is minsan hendei he nekeelingkus kenitew.

Jeremias 6:25 교차 참조

2 Cronica 15:5

Haazà he timpu dilikadu is kebiyahi su edsinamuk is menge etew.

Job 18:11

Neliǥuy sikandin te igkahandek din ne henduen be te edal-as heini kandin.

Salmo 31:13

Egkezineg ku is kebpenènaasà te mezakel he menge kuntada. Ebpemiligru a minsan hendei a ebpevayà, su mibpelenuwan e zan te edhimatey.

Isaias 1:20

Piru emun edsupak kew wey ebpekidsukulè kew, ne siguradu ebpemematey kew. Egkehitavù heini, su iyan a, is Nengazen, is migkaǥi kayi.”

Jeremias 14:18

Emun edhendiyà a te menge vevesukà wey menge inged, egkeehè ku is mibpematey te tebek wey vitil. Is menge ebpeneuven wey is menge memumuhat mibpedayun te vuluhaten dan, piru wazè dan metueni ke hengkey is mibeelan dan.’ ”

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 4:10

Ne migkaǥi a te, “He Nengazen he MEGBEVAYÀ, nelimbungan nu is menge etew tenged te migkaǥi nu, su midsaad ka te kelinew te Jerusalem. Piru naandam en bes is ispada he idhimatey kandan.”

Jeremias 4:5

“Keǥiyi is menge tig-Juda wey menge tig-Jerusalem he ipezaǥing dan is budyung diyà te tivuuk he tanà. Ne kulehia zan te mezaǥing is menge etew he mebpelaǥuy zan wey med-eles diyà te menge inged he neliǥuy te menge verengbeng.

Jeremias 46:5

Piru hengkey heini is neehè ku? ed-insà is Nengazen. Nahandek kew ne mid-endud kew. Nezaag kew, ne migaan-gaan kew mebpelaǥuy is kenè en ebpenlilingey tenged te kegkahandek niw.

Jeremias 49:29

Ne eǥawa is menge tulda wey menge ayam dan. Kuwaa is menge vutang dan wey menge kemilyu zan. Edhabet sikandan ebpemensag te, ‘Midliǥuyan kiw te mekahandek-handek he menge kuntada tew.’

Jeremias 49:5

Edsuǥù a te menge kuntada niw he ebpuun diyà te menge nasyun diyà te peliǥuy keniyu he ebpelihandek keniyu. Edsegseǥen kew zan puun te tanè niw, ne wazà edumala keniyu te ebpemelaǥuy.

Jeremias 8:14

“Ne zutun egkaǥi sikandan te, ‘Na, hengkey pa is edteǥazan tew? Kuwa kew en su edhendiyè kiw te menge inged he vinerengbeng, ne zutun kiw ebpekimatey. Su iyan en hukum te Nengazen he Megbevayè tew is edhimetayan kiw. Iring te mibeǥayan kiw zin te wahig he zuen duen hilu he egkeinum tew, su ǥeina te nekesalè kiw ziyà te kandin.

Jeremias 8:15

Ngenaan tew he mebmelinew piru wazà mebmelinew. Edtaǥad kiw te keupiyaanan piru kegkahandek is nekeuma ziyà te kenitew.

Penhulùhulù 2:22

Mid-imbita nu is menge kuntada te kedsurung kayi te peliǥuy ku he henduen be te nengimbita ke zà te para te keemuran. Dutun te andew te kebpaahaa nu te pauk nu, wazà nekepelaǥuy etawa neuyag. Mibpenhimetayan te menge kuntada ku is menge anak ku he mid-elimahan ku wey impezekelà.

Ezekiel 21:17

Edsumbaǥen ku zaan is palad ku he tuus te kegkepauk ku, ne egkaawà is pauk ku. Iyan a, is Nengazen, is migkaǥi kayi.”

Ezekiel 7:18

Ebivisti sikandan te saku wey egkiskisan dan is menge ulu zan te kebpaahà te kegkeseeng dan. Ne utew sikandan egkahandek wey egkeeled.