Jeremias 6:14 - Manobo Western Bukidnon OT

¹⁴ Wazè dan seǥipaa is palì te menge etew ku he iyan is uvag dà he kedtuu. Minsan gerabi heini, egkaǥi zan te ‘melinawen kiw’ minsan pa te iyan tutuu is duen tebek.

Jeremias 6:14 교차 참조

2 Samuel 17:3

ne ibpelikù ku ziyà te kenikew is langun he menge sakup din he iring te kedlikù te esawa ziyà te tegiesawa kandin. Emun iyan dà si David edhimetayan, ne is menge sakup din ne kenè en ebpekidtebek.”

Isaias 1:6

Puun te ulu zin taman te parapara zin ne wazè en egkekaǥi ta he meupiya, su pudu en palì, daǥem, wey levag. Wazà heini melùlui, etawa mevukusi, etawa mevewii.

Isaias 30:10

Migkeǥiyan dan is menge ebpeneuven ku te, ‘Kenè niw en tudtula ziyà te kenami is impezayag te Megbevayà diyà te keniyu. Kenè key en keniyu keǥiyi te hustu. Iyan tudtula niw kenami is ebpekelipey kenami wey is menge nelewasan niw he kenà egkehitavù.

Isaias 30:26

Is kerayag te vulan egkehimu he iring te kerayag te andew, ne is kerayag te andew ne kepipitu egketakep, iring kerayag te kerayag te pitu he andew he impedtempuwà. Egkeulaula heini zutun te timpu te kebewii te Nengazen te menge palì he nehimu tenged te kedletiguwa zin keniyu te menge etew zin.

Jeremias 14:13

Piru migkaǥi a te, “He Nengazen he MEGBEVAYÀ, netuenan nu he layun sikandan egkeǥiyi te menge ebpeneuven he wazè kun ebpekeuma he tebek wey vitil, su geina te migkaǥi ka he ebeǥayan nu sikandan te kelinew kayi te nasyun dan.”

Jeremias 14:17

“Jeremias, keǥiya nu heini te menge etew, ‘Maandew wey mezukilem ne kenè en egkeengked is kebpekesineǥew ku su zekelà is palì te menge etew ku ne utew sikandan egkesekiti.

Jeremias 23:17

Iyan heini layun egkeǥiyen dan diyà te menge etew he edsudì kedì wey ebpezumazuma te mesinupaken he ǥehinawa zan: ‘Egkehimu he utew meupiya is kebpekesavuk niw, migkaǥi is Nengazen. Wazà mezaat he egkehitavù keniyu.’

Jeremias 28:3

Seled te zezuwa he tuig idlikù kayi he lugar is langun he ǥelemiten diyà te valey ku he mibpenguwa ni Hadì Nebucadnezar ne mid-uwit din diyà te Babilonia.

Jeremias 4:10

Ne migkaǥi a te, “He Nengazen he MEGBEVAYÀ, nelimbungan nu is menge etew tenged te migkaǥi nu, su midsaad ka te kelinew te Jerusalem. Piru naandam en bes is ispada he idhimatey kandan.”

Jeremias 5:12

Wazè dan megkaǥi te tutuu mehitenged kedì. Migkaǥi sikandan te, ‘Kenè kiw ebmenuwen te Nengazen! Wazà kezeetan he ebpekeuma ziyà te kenitew; wazà tebek etawa vitil.

Penhulùhulù 2:14

Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag.

Ezekiel 13:10

“Heini he menge ebpeneuven, midtazin dan is menge etew ku pinaaǥi te kegkaǥi he meupiya is kebpekesavuk te langun, piru iyan tutuu is kenà heini meupiya. Iring heini te mibangun is menge etew te kenà melig-en he verengbeng, ne mibpekeplaan dà heini te menge ebpeneuven te minasa he utew zà deisey he simintu is insahug duen.

Ezekiel 13:16

he iyan is menge ebpeneuven diyà te Israel he midtagnà he meupiya is kebpekesavuk te menge etew ziyà te Jerusalem, minsan pa te iyan tutuu is kenà heini meupiya. Iyan a, is Nengazen he MEGBEVAYÀ, is migkaǥi kayi.

Ezekiel 13:22

“Naawà is kezasig te menge metazeng tenged te menge tarù niw, ne minsan siak wazà a mebeǥey kandan te seeng. Ne midasig niw is menge lalung he kenè dan ewai is kelelalung dan pinaaǥi te kedsaad niw kandan he egkelibri sikandan te kemetayen.

Ezekiel 14:9

“Emun egkelimbungan is sevaha he ebpeneuven dutun te kedtagnè din, ne tenged heeyan te iyan a is Nengazen midlimbung kandin. Edsilutan ku sikandin ne edsegseǥen ku puun te menge etew ku he Israilihanen.

Micas 2:11

Is egkesuatan niw he megwewali iyan sikan is egkaǥi te wazè din pulus, limbungan, wey teruen, he iyan heini idwali zin: ‘Ed-uzaren kew te vinu wey zuma pa he inumen.’ ”

Micas 3:5

“Iyan heini migkaǥi te Nengazen mehitenged te menge ebpeneuven he nenazin te menge etew zin, he nenaad dan te meupiya he kebpekesavuk diyà te menge mibpekaan kandan, ne mibpahayag dan te kezeetan te menge wazà mebpekaan kandan: