Jeremias 51:64 - Manobo Western Bukidnon OT

⁶⁴ Ne kaǥi ka te, ‘Iring keniyan is egkeulaula te Babilonia–idlegdang heini ne kenè en ebpekelepew tenged te kedezeeti kayi te Nengazen. Egkeǥerà is menge etew kayi.’ ” Kayi mepasad is menge lalag ni Jeremias.

Jeremias 51:64 교차 참조

Job 31:40

ne zeyzey ke iyan edtuvù diyà te tanè ku is dezeisey he kayu wey menge sagbet ne kenà iyan is trigu wey barli.” Kayi metapus is menge lalag ni Job.

Salmo 72:20

Iyan heini ketepusan he menge kebpengemuyù ni David te anak ni Jesse.

Salmo 76:12

Ibpekevavè din is mepelevawen he menge pengulu; igkehandek sikandin te menge hadì kayi te kelibutan.

Isaias 47:13

Emun edtepulen ke en te mahabet he egkesuatan nu te ebaal, ne peuǥup ka te menge etew nu he menge memimituen wey menge menenagnà he kada vulan is kedtegnaa zan te egkehitavù kenikew.

Jeremias 13:4

“Levasa nu heeyan is mibpemasa nu he vahag ne hendiyè ka te Perath ne ieles nu heeyan is bahag diyà te budsi te vatu.”

Jeremias 19:10

Ne migkaǥi is Nengazen kayi te kedì te, “Rupeta nu is umuy ziyà te etuvangan te menge etew he eduma kenikew.

Jeremias 25:27

Ne migkaǥi is Nengazen kayi te kedì te, “Keǥiya nu kayi he menge nasyun he siak, is Nengazen he Mekeǥeǥehem, he Megbevayà te Israel, migkaǥi te, ‘Sigi, inum kew kayi te tasa te pauk ku taman te egkengelangut kew, ebpengutè kew, ne egkengepiley he kenè en ebpemekeenew, su ebpeeǥiyan ku sikiyu te tebek.’

Jeremias 51:42

Egkelapew te zezekelà wey edeǥurus he menge vaǥel is Babilonia.

Jeremias 51:58

Migkaǥi pa is Nengazen he Mekeǥeǥehem te, “Ebengkaǥen is mekepal he verengbeng te Babilonia, ne ebinsulan is metikang he menge pultahan kayi. Is langun he menge hineǥuan te menge etew kayi egkehimu he wazè din pulus su egkevinsulan dà heini.”

Jeremias 9:5

Is kada sevaha edlimbungan din is iring din he etew, ne wazà minsan sevaha he egkaǥi te tutuu. Nelayam en is dilè dan te kedtarùtarù, ne edheǥuan dan is kebaal te salà.

Ezekiel 28:19

Is langun he menge etew ziyà te menge nasyun he nekekilala kenikew ingkahandek dan is nepengkusan nu. Mekahandekhandek is ketepusan nu, ne egkahanew ke en taman te taman.”

Habakuk 2:13

Piru heeyan is impevangun niw te menge etew he mibihag niw ne ebinsulan dà heeyan, umbe egkehimu he wazà pulus te midheǥuan dan. Midtelaan en heini te Nengazen he Mekeǥeǥehem.