Jeremias 51:56 - Manobo Western Bukidnon OT

⁵⁶ Ebpekeuma is edezaat te Babilonia ne ebihaǥen is menge sundaru zin, ne egkengevadtì is menge panè dan. Su siak, is Nengazen, iyan Megbevayà he edsilut te menge lalung. Idsilut ku ziyà te Babilonia is silut he ereg kayi.

Jeremias 51:56 교차 참조

Genesis 49:24

piru edsiguduwan nu zaan sikandan ebpenaa. Ne kenà egkeewaan te zesen is beklawan nu, tenged te tavang te Gemhanan he Megbevayè ku he ebantey wey eputà he vatu te Israel.

Salmo 137:8

Sikiyu is menge meǥinged te Babilonia, edezeetan kew! Utew zeyzey is menge etew he ebales keniyu tenged te mibeelan niw ziyà te kenami.

Salmo 37:15

Piru iyan sikandan egkeuney egketiyuk te ispada zan, ne egkengevadtì is menge panè dan.

Salmo 46:9

Ibpeengked din is menge tebek kayi te tivuuk he kelibutan. Ebpemedtìen din is menge panà wey menge vangkew, ne idrapug din is menge kelasag.

Salmo 76:3

Dutun he lugar mibpendezeetan din is edhagyung he menge vesut te panà te menge kuntada, is menge kelasag dan, is menge ispada zan, wey is duma pa he menge ǥumaan dan.

Isaias 21:2

Nekelawas a te mekahandekhandek mehitenged te kedluib wey kebpendezaat. Sikiyu is menge tig-Elam wey menge tig-Media, liǥuwi niw is Babilonia ne surunga niw. Edhimesazen te Megbevayà is kebpeentusa zin te zuma he menge nasyun.

Isaias 34:8

Su zuen timpu he idteǥana te Nengazen he zutun ebelesan din is menge kuntada zin su edtevangan din is menge tig-Jerusalem.

Isaias 35:4

Kegiyi niw is menge egkahandek te, “Mebpekelig-en kew wey kenè kew mahandek. Ebpekeuma is Megbevayè niw su ebelesan din is menge kuntada niw, ne edlibriyen kew zin.”

Isaias 59:18

Ebelesan din is menge kuntada zin sumalà te menge vaal zan; minsan is diyà te meziyù. Egkeǥezaman dan is rerangit din.

Jeremias 49:35

Migkaǥi is Nengazen he Mekeǥeǥehem te, “Ebpenhimetayan ku is menge mememanà diyà te Elam he memetau he menge sundaru zan.

Jeremias 50:10

Ed-eǥawen dan is menge azen diyà te Babilonia, ne egkuwaan dan is egkesuatan dan te egkuwa. Iyan a, is Nengazen, is migkaǥi kayi.

Jeremias 50:36

Ibpeǥezaman daan heini te teruen he menge ebpeneuven, ne ebuneǥen sikandan. Wey ziyà daan te menge sundaru zan, ne egkengeheratan dan utew!

Jeremias 51:24

“Sikiyu is menge etew ku, ibpeehè ku keniyu is kebelesi ku te Babilonia wey te menge meǥinged kayi he lugar, tenged te langun he mibeelan dan diyà te Jerusalem. Iyan a, is Nengazen, is migkaǥi kayi.

Jeremias 51:30

Ed-engked en he ebpekidtebek is menge sundaru te Babilonia ne ziyè dan dà te kampu zan. Neewaan dan en te zesen ne egkeiring dan te vahi he meluya. Nevinsulan is menge valey ziyà te Babilonia wey nengezeetan is menge terangka te pultahan te menge inged kayi.

Jeremias 51:48

Ne ebpengulahì te kegkelipey is langit wey is kelibutan, wey is langun he netaǥù kayi, su edsurungen is Babilonia te menge ebpendezaat he ebpuun diyà te zizaya. Iyan a, is Nengazen, is migkaǥi kayi.”

Jeremias 51:53

Minsan mekeuma pa ziyà te langit is berengbeng te Babilonia wey minsan utew pa heini melig-en, duen gihapun edsuǥuen ku te kedezaat kayi.

Jeremias 51:6

“Sikiyu is menge tig-Juda wey tig-Israel, ewai niw is Babilonia su wey kew melibriyi! Kenè kew pekimatey tenged dà te salà te menge tig-Babilonia. Timpu en he ebelesan ku sikandan te ereg te mibeelan dan.

Penhulùhulù 3:64

Siluti nu sikandan, Nengazen, sumalà te mibeelan dan.

Ezekiel 39:3

Ne ed-eǥawan ku sikew te ǥumaan,

Ezekiel 39:9

“ ‘Dutun he timpu, edtiǥumen te menge etew te Israel he ebpemen-ubpà diyà te zekelà he menge inged is menge himan niw te kebpekidtebek, is dezekelà wey zezeisey he menge kelasag, is menge panà, is menge lagkut he para te tebek, wey is menge vangkew, ne egemiten dan heini he tavun seled te pitu he tuig.

Amos 2:15

Minsan is menge perepanà diyà te tebek, ne ebpekeendud. Is menge sundaru he meǥaan he ebpelelaǥuy ne kenà ebpekepelaǥuy, ne is menge pereuntud te kudà ne kenè dan egkelibri is keugelingen dan.

Obadias 1:15

“Wazè niw pezem beeli haazà diyà te Jerusalem su egkeuvayan en is timpu te kedhukumi ku te menge nasyun. Ne ke hengkey is mibeelan niw ziyà te zuma ne iyan daan ebeelan diyà te keniyu. Is kebpekid-uyun niw te zuma ne iyan daan ibales keniyu.

Habakuk 2:8

Tenged te mahabet he menge nasyun is mid-eǥawan niw te menge azen, ne iyan kew en maan ed-eǥawan te menge etew he nesamà keniyan he menge nasyun. Egkehitavù heini keniyu tenged te kebpenhimatey niw te menge etew wey kebpendezeeti niw te menge tanè dan wey menge inged dan.

Deuteronomio 32:35

Ke sikandin te, “Iyan e en ebales wey edsilut kandan, su egkeuma zed gihapun is netendek he timpu he ebpekezulas sikandan. Hapit en egkeuma is kedezeeti kandan ne kenè en daan heini egkeuǥet.”

1 Samuel 2:4

Edèdeetan din is menge gemhanan, ne ebeǥayan din te zesen is menge meluya.