Jeremias 51:55 - Manobo Western Bukidnon OT

⁵⁵ Edezeetan ku is Babilonia ne ebpekepereremek heini. Edsurung kayi is menge kuntada he henduen be te edeǥurus he menge vaǥel. Edsagkung is keǥurub te kedsurung dan.

Jeremias 51:55 교차 참조

Salmo 124:2

“Emun wazè kiw levani te Nengazen hein midsurung kiw te menge kuntada tew,

Salmo 124:4

Neiring kiw en pezem te naanud te zalem etawa nelened te meseleg he wahig.

Salmo 18:4

Is kemetayen iring te pisì he ebpekevakus kediey, wey iring te litag diyà te veyeey ku. Is kezeetan iring te vendes te zalem he ed-anud kedì.

Salmo 65:7

Ibpeengked nu is rekabù te menge vaǥel wey keǥurub te menge etew.

Salmo 69:2

Henduen be te egkelenep e en diyà te mezalem he vasak he kenà egketegkad. Ne henduen be zaan te egketembunan a te menge vaǥel su ziyà a te mezalem he wahig.

Isaias 15:1

Heini he menge lalag ne mehitenged te Moab: Seled dà te sengekezukileman ne egkevengkag en is menge inged he Ar wey Kir he sakup te Moab.

Isaias 17:13

Iyan, minsan meǥurub sikandan iring te zezekelà he menge vaǥel, ebpemelaǥuy sikandan emun edewayen dan te Megbevayà. Egkeiring sikandan te ukap diyà te vuvungan he idlayap te keramag, wey reǥami he idlayap te eribpures.

Isaias 47:5

Migkaǥi pa is Nengazen te, “He Babilonia, pinuu ka he melinawen diyà te merusirem he lugar. Su kenè ke en maan egngezanan te rayna te menge ginhedian.

Jeremias 25:10

Edhimuwen ku he kenè kew en ebpekeǥusà wey ebpekelipeylipey. Kenè en egkezineg is kebpeeyuwà te veuǥu, wey wazè en daǥing te ebpenggaling te trigu wey edtemtem te sulù ke mezukilem.

Jeremias 51:42

Egkelapew te zezekelà wey edeǥurus he menge vaǥel is Babilonia.

Ezekiel 26:3

Umbe iyan a, is Nengazen he MEGBEVAYÀ, migkaǥi he egkuntrahan ku is menge tig-Tyre. Ibpesurung ku heini te mahabet he menge nasyun, he edasmag iring te menge vaǥel.